Cайт ранги: A A


Сайловчилар билан учрашувларнинг ОАВда ёритилиши

Депутат бойсунлик ёшлар муаммосини назоратга олди

Депутат бойсунлик ёшлар муаммосини  назоратга олди

Бобоназар Тўраев Бойсун туманидаги “Даштиғоз” маҳалласида истиқомат қилади. У тумандаги касб-ҳунар коллежини тамомлагач, ҳали у, ҳали бу мавсумий ишлар билан шуғулланиб кўрди. Лекин оиласига кирадиган даромаддан кўнгли тўлмади.

Ушбу ҳудуддан Олий Мажлис Қонунчилик палатаси депутатлигига сайланган Ҳазратқул Хўжамқулов аҳоли билан учрашуви давомида Б.Тўраев каби ишсиз ёшларнинг бандлигини таъминлашга алоҳида эътибор қаратди.

– Президентимиз Ёшлар куни муносабати билан мамлакатимиз йигит-қизларига йўллаган табригида ёшларни иш билан таъминлаш, уларни зарур касб-ҳунарларга ўргатиш масаласига алоҳида тўхталиб, бу борадаги ишларга жойларда ҳокимлар ва сектор раҳбарлари масъул эканлигини билдирган эди, – дейди парламент қуйи палатасидаги ЎзЛиДеП фракцияси аъзоси Ҳ.Хўжамқулов. – Шу боис, учрашув давомида тумандаги “Ёшлар дафтари”га киритилган 25 нафар йигит-қизнинг бандлигини таъминлаш мақсадида туман мутасаддилари, сектор раҳбарилари билан биргаликда ғалладан бўшаган ер майдонларини ёшларга ажратилишига кўмаклашдик. Асосийси, уларга экин-текин қилиш учун зарур уруғлар ҳам етказиб берилди.

Булар орасида Б.Тўраев ҳам бор. У депутат ва мутасаддилар кўмагидан мамнун. Муаммоси билан қизиққан, амалий ёрдамга ошиққан депутати билан суҳбатлаша туриб, келгусида фермерлик фаолиятини бошлаш ниятида эканлигини билдирди.

Мазкур учрашувлар доирасида халқ вакили Бойсун тумани “Мунчоқ” маҳалласида жойлашган 37-сонли умумий ўрта таълим мактабида олиб борилаётган қурилиш ва маҳалланинг ички йўлларига шағал ётқизиш ишлари билан ҳам қизиқди.

Очиқ мулоқотлар чоғида фуқаролар томонидан кўтарилган масалалар ўрганилиб, тегишли ташкилотлар билан биргаликда уларга ечим изланди.


Кўришлар сони: 539

Депутатлар минбари

Янгиликлар

27.10.2021
A.Саидов Буюк Британия парламенти Лордлар палатаси аъзоси Б.Сатти билан учрашди

Олий Мажлис Қонунчилик палатаси Спикерининг биринчи ўринбосари Aкмал Саидов 27 октябрь куни Буюк...

27.10.2021
Спикер Н. Исмоилов Президент сайловининг эълон қилинган якунларига баҳо берди

Ўзбекистон халқи жамиятимизда рўй бераётган шаҳдам ва давомли ютуқларни, кўламдор ижобий ўзгаришларни,...

26.10.2021
Бола ҳуқуқлари кафолати мустаҳкамланмоқда

Олий Мажлис Қонунчилик палатаси Демократик институтлар, нодавлат ташкилотлар ва фуқароларнинг ўзини...