Cайт ранги: A A


Халқаро фаолияти

Ўзбекистон ва Туркманистон парламентлари ҳамкорлик алоқаларини кучайтиради

2020 йилнинг 30 ноябрь куни Олий Мажлиснинг Туркманистон Мажлиси билан ҳамкорлик бўйича Парламентлараро дўстлик гуруҳининг онлайн йиғилиши бўлиб ўтди.

Тадбирда гуруҳ аъзолари бўлган Олий Мажлис Қонунчилик палатаси депутатлари, сенаторлар, Туркманистон парламенти аъзолари, Ўзбекистон Республикасининг Туркманистондаги Фавқулодда ва мухтор элчиси Aкмалжон Кучкаров, Туркманистоннинг мамлакатимиздаги фавқулодда ва мухтор элчиси Якзули Маммедовлар ҳам иштирок этдилар.

Онлайн учрашув давомида икки томонлама ҳамкорликда эришилган натижалар, парламентлараро мулоқотни ривожлантириш, халқаро ташкилотлар доирасида томонларнинг ўзаро бир-бирларини қўллаб-қувватлашлари, икки давлат ўртасидаги манфаатли савдо-иқтисодий, сиёсий, ҳуқуқий ва маданий-гуманитар соҳалардаги мавжуд алоқаларни мустаҳкамлаш масалалари муҳокама қилинди.

Музокаралар чоғида томонлар ҳамкорликни кенгайтиришда парламентлараро алоқаларни янада чуқурлаштириш муҳимлигини қайд этган ҳолда, бу ўз навбатида барча соҳаларда муносабатларни янада янги босқичга олиб чиқувчи халқаро шартномаларни ўз вақтида ратификация қилинишида муҳим эканлигини таъкидлаб ўтдилар.

Мулоқот чоғида ҳар иккала давлат парламентлари вакиллари Коронавируснинг дунё бўйлаб тарқалиши кўламига ҳам тўхталиб, ушбу глобал таҳдидга қарши курашиш борасида Ўзбекистон ва Туркманистонда кўрилаётган чоралар тўғрисида фикр алмашдилар. Шу нуқтаи назардан келиб чиқиб, пандемиянинг икки мамлакат ўртасидаги савдо-иқтисодий муносабатларга салбий таъсирининг олдини олиш мақсадида икки томонлама ҳамкорликни фаоллаштириш зарурлигига эътибор қаратилди.


Томонлар келажакда ҳам халқаро ташкилотлар доирасида ҳар икки мамлакатнинг ташаббусларини қўллаб-қувватлаш борасида якдил эканликларини билдирдилар.

Онлайн музокаралар якунида Ўзбекистон ва Туркманистон ўртасидаги амалий ҳамкорликни ҳар томонлама мустаҳкамлашда парламентларнинг ролини кучайтиришга келишиб олдилар.    


Кўришлар сони: 629


Депутатлар минбари

Янгиликлар

15.01.2022
Халқимиз манфаатларига хизмат қиладиган таклифлар илгари сурилди

Жамоатчилик муҳокамасига қўйилган “Янги Ўзбекистоннинг 2022-2026 йилларга мўлжалланган тараққиёт...

15.01.2022
Қўмитанинг 2021 йил якунлари бўйича фаолияти сарҳисоб қилинди

Олий Мажлис Қонунчилик палатасининг Фан, таълим, маданият ва спорт масалалари қўмитаси томонидан...

14.01.2022
Тараққиёт стратегияси:75 минг гектар интенсив боғ ва янги узумзорлар барпо этилади

Олий Мажлис Қонунчилик палатасининг Аграр ва сув хўжалиги масалалари қўмитаси “Янги Ўзбекистоннинг...

Тадбирлар тақвими