Cайт ранги: A A


Халқаро фаолияти

Исроил давлати билан парламентлараро ҳамкорлик жонланади

Исроил давлати билан парламентлараро ҳамкорлик жонланади Исроил давлати билан парламентлараро ҳамкорлик жонланади

2020 йил 22 октябр куни Олий Мажлиснинг Кнессет билан ҳамкорлик бўйича парламентлараро дўстлик гуруҳи раҳбари И.Абдуллаев бошчилигида “Исроил – Ўзбекистон” парламентлараро дўстлик гуруҳи раиси А.Кожинов иштирокида Исроил парламенти аъзолари билан биринчи онлайн учрашув ўтказилди.

Тадбирда Ўзбекистон Республикаси ва Исроил давлатининг тегишли давлатлардаги дипломатик ваколатхоналари раҳбарлари ҳам иштирок этдилар.

Таъкидлаш жоиз, сўнгги йилларда Ўзбекистон-Исроил алоқаларида ўзаро ҳамкорликнинг икки томонлама ва кўп томонлама шаклларида сезиларли силжишларга эришилди. Парламентлар, вазирлик ва идоралар, ишбилармон ва илмий-академик доиралар ҳамда минтақалар ўртасидаги алоқалар сезиларли даражада жонланиб, доимийлик касб этиб бормоқда.

Онлайн учрашув давомида дунёда коронавирус тарқалиши кўлами юзасидан хавотирлар билдириб ўтилди. Томонлар ушбу глобал таҳдидга қарши курашиш бўйича Ўзбекистон ва Исроилда кўрилаётган чоралар ҳақида маълумотлар бериб ўтдилар. Пандемиянинг салбий оқибатлари олдини олишга қаратилган коронавирусга қарши курашда парламент аъзоларининг роли алоҳида экани таъкидланди.


Онлайн учрашувда давлатларнинг икки томонлама ҳамкорлиги, парламентлараро мулоқотни ривожлантириш, халқаро ташкилотлар доирасида кўмак кўрсатиш, ўзаро манфаати савдо-иқтисодий, сиёсий, ҳуқуқий ва маданий-гуманитар алоқаларни мустаҳкамлашда эришилган натижаларга алоҳида тўхталиб ўтилди.

Шунингдек, музокараларда икки томонлама ҳамкорликни кенгайтиришда парламентлараро алоқаларни чуқурлаштириш муҳимлиги таъкидланди. Сабаби, мазкур алоқалар барча соҳаларда ўзаро ҳамкорликни янада кенгайтиришда халқаро шартномаларни ратификация қилинишида муҳим роль ўйнаши қайд этилди.

Учрашувда томонлар иқтисодий ҳамкорлик соҳасида мамлакатларимиз ўртасида шериклик муносабатларини сув хўжалиги, агросаноат соҳаси, ахборот технологиялари, бошланғич тадбиркорлик ва бошқа йўналишларда мустаҳкамлаш зарурлиги борасида умумий фикрга келдилар.

Онлайн музокаралар якунида иштирокчилар парламентларнинг Ўзбекистон Республикаси ва Исроил давлати ўртасидаги муносабатларни ва амалий ҳамкорликни янада мустаҳкамлаш тарафдори эканликларини билдириб ўтдилар.


Кўришлар сони: 892


Депутатлар минбари

Янгиликлар

19.09.2021
Трансплантация соҳасига оид қонун такомиллаштирилмоқда

Бугун энг муҳим йўналишлардан бири – органлар трансплантацияси саналади. Кейинги йилларда бу соҳага...

19.09.2021
Аҳоли томонидан берилган таклифлар қонун лойиҳасида ўз аксини топади

Ҳар бир соҳанинг ривожи унинг ҳуқуқий асоси билан боғлиқ. Қонун билан мустаҳкамланган соҳа барқарор...

18.09.2021
Инсон саломатлиги билан боғлиқ узоқ кутилган қонун лойиҳаси жамоатчилик муҳокамасида

Аввал хабар берганимиздек, Олий Мажлис Қонунчилик палатаси депутатлари, қуйи палата Девони ходимлари...

Тадбирлар тақвими