Cайт ранги: A A


Халқаро фаолияти

Ўзбекистон — Тожикистон: парламентлараро ҳамкорлик гуруҳларининг ишчи йиғилиши бўлиб ўтди

Аввал хабар берганимиздек, шу кунларда Олий Мажлис Қонунчилик палатаси Спикери ўринбосари Улуғбек Иноятов бошчилигидаги парламент делегацияси Тожикистонда бўлиб турибди.

Ташриф доирасида 2020 йил 21 сентябрь куни икки мамлакат парламентлараро ҳамкорлик гуруҳларининг ишчи йиғилиши бўлиб ўтди.

Йиғилишда У. Иноятов икки мамлакат раҳбарлари — Ўзбекистон Президенти Шавкат Мирзиёев ва Тожикистон Президенти Эмомали Раҳмоннинг сиёсий иродаси ва узоқни кўзлаган оқилона сиёсати туфайли бугун мамлакатларимиз ва халқларимиз ўртасидаги муносабатлар сифат жиҳатдан янги босқичга – стратегик шериклик даражасига кўтарилганини алоҳида таъкидлаб ўтди.

Ўзбекистон парламенти делегацияси раҳбари шунингдек, ҳар икки мамлакат ҳам ўз тараққиётининг янги босқичида эканлиги, дўстлик ва яхши қўшничилик алоқаларини жадал ривожлантириш учун қулай шарт-шароитлар мавжудлигини қайд этди. Ушбу босқичнинг асосий хусусиятлари мамлакатлар раҳбарлари ташаббуси билан қабул қилинган чуқур ўйланган стратегик дастурий ҳужжатлар билан белгиланади.

Йиғилишда таъкидланганидек, мамлакатларимиздаги асосий устуворлик иқтисодий фаровонлик асосида халқ фаровонлигининг кескин ўсишини таъминлаш ва мамлакатларимиз конституцияларида мустаҳкамланган инсоннинг асосий ҳуқуқ ва эркинликларини амалга оширишнинг ишончли кафолатларини таъминлашдир.

Парламентлараро ишчи йиғилишида минтақавий ҳамкорликни мустаҳкамлаш, Марказий Осиёни хавфсиз, барқарор ва яхши қўшничилик минтақасига айлантириш масалалари ҳам муҳокама қилинди.

Ўзбекистон парламенти аъзоларининг Тожикистонга ташрифи давом этмоқда.

 

 


Кўришлар сони: 616


Депутатлар минбари

Янгиликлар

19.09.2021
Трансплантация соҳасига оид қонун такомиллаштирилмоқда

Бугун энг муҳим йўналишлардан бири – органлар трансплантацияси саналади. Кейинги йилларда бу соҳага...

19.09.2021
Аҳоли томонидан берилган таклифлар қонун лойиҳасида ўз аксини топади

Ҳар бир соҳанинг ривожи унинг ҳуқуқий асоси билан боғлиқ. Қонун билан мустаҳкамланган соҳа барқарор...

18.09.2021
Инсон саломатлиги билан боғлиқ узоқ кутилган қонун лойиҳаси жамоатчилик муҳокамасида

Аввал хабар берганимиздек, Олий Мажлис Қонунчилик палатаси депутатлари, қуйи палата Девони ходимлари...

Тадбирлар тақвими