Cайт ранги: A A


Халқаро фаолияти

Олий Мажлис Қонунчилик палатаси Спикери Малайзия парламенти вакиллар палатаси делегацияси билан учрашди

Олий Мажлис Қонунчилик палатаси Спикери Малайзия парламенти вакиллар палатаси делегацияси билан учрашди Олий Мажлис Қонунчилик палатаси Спикери Малайзия парламенти вакиллар палатаси делегацияси билан учрашди

2019 йил 24 декабрь куни Ўзбекистон Республикаси Олий Мажлиси Қонунчилик палатасида мамлакатимизда парламент ва маҳаллий Кенгашларга сайловда халқаро кузатувчи сифатида иштирок этиш учун ташриф буюрган Малайзия парламенти вакиллар палатаси Спикери ўринбосари Мох Рашид бин Хаснон бошчилигидаги делегация аъзолари билан учрашув бўлиб ўтди.

Мулоқот аввалида меҳмонларга кейинги йилларда мамлакатимизда Президентимиз Шавкат Мирзиёев раҳбарлигида амалга оширилаётган кенг кўламли ислоҳотлар тўғрисида сўзлаб берилди. Хусусан, давлат ва жамият қурилишини такомиллаштириш, қонун устуворлигини таъминлаш, суд-ҳуқуқ тизимини янада ислоҳ қилиш, диний бағрикенгликни таъминлаш ҳамда ўзаро манфаатли, амалий ташқи сиёсат соҳасидаги устувор йўналишларда олиб борилаётган ишларга атрофлича тўхталиб ўтилди. 


Конструктив ва дўстона руҳда кечган суҳбат чоғида меҳмонлар Ўзбекистонда парламентаризм борасида ўтган вақт мобайнида яхши тажриба тўпланганини, Марказий Осиёда ўз ўрни ва мавқеига эга Ўзбекистон билан турли йўналишларда ҳамкорлик қилиш ҳар жиҳатдан манфаатли эканини билдирдилар.

Меҳмонлар Ўзбекистондаги сайлов кампанияси мамлакатда демократик янгиланишларни янада чуқурлаштиришда муҳим омил бўлиб хизмат қилганини қайд этар экан, бунда 2019 йилда қабул қилинган Сайлов кодекси ҳам назарий, ҳам амалий жиҳатдан фуқароларга ўз хоҳиш-иродасини эркин амалга ошириш ҳуқуқини янада мустаҳкамлашга замин яратганини таъкидладилар.


“Мамлакатингиздаги демократик янгиланишларни кузатиб бормоқдамиз. Шунга асосланиб айтиш мумкинки, бу янгиланишлар кўлами янада кенгайиб бораверади. Сайловларда энг асосий омил очиқлик ва ошкораликдир. Парламент сайловида бу принципга тўла риоя қилинганига амин бўлдик”, дейди Малайзия парламенти вакиллар палатасининг делегацияси аъзолари. 

 

Ўзбекистон Республикаси Олий Мажлиси

Қонунчилик палатаси Матбуот хизмати


Кўришлар сони: 2470


Депутатлар минбари

Янгиликлар

24.09.2021
Масофавий тиббий хизматлар сифатини ошириш масаласи муҳокама қилинди

Олий Мажлис Қонунчилик палатаси Инновацион ривожланиш, ахборот сиёсати ва ахборот технологялари ...

24.09.2021
Халқаро нотариуслар иттифоқи вакиллари Қонунчилик палатасида бўлди

Бугун, 24 сентябрь куни Ўзбекистон Республикаси Олий Мажлиси Қонунчилик палатаси депутатларининг Хал...

24.09.2021
Жарималар миқдори камайтирилмоқда

Олий Мажлис Қонунчилик палатасининг навбатдаги мажлисида депутатлар ҳайдовчиларга қўшима енгилликлар...

Тадбирлар тақвими