Cайт ранги: A A


Халқаро фаолияти

Ўзбекистон — Буюк Британия: ҳамкорликнинг янги уфқлари

Жорий йилнинг 4 апрель куни Ўзбекистон Республикаси Олий Мажлиси Қонунчилик палатасига Буюк Британия парламенти Лордлар палатаси аъзоси ва Евросиё Global TB Caucus гуруҳи ўринбосари баронесса Алисон Сатти бошчилигидаги делегация ташриф буюрди. 

Учрашувда меҳмонларга 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ олиб борилаётган кенг кўламли ислоҳотлар, аҳолини ижтимоий ҳимоя қилиш ва соғлиқни сақлаш тизимини такомиллаштириш борасида олиб борилаётган тизимли ишлар тўғрисида маълумотлар берилди.

Мулоқот давомида Олий Мажлис Қонунчилик палатасининг тузилиши, ундаги сиёсий партиялар ва Ўзбекистон экологик ҳаракати, ташкил этилган қўмиталар, комиссиялар ва ҳорижий парламентлар билан ҳамкорлик қилиш доирасида ташкил этилган дўстлик гуруҳлари, олиб борилаётган ишлар, режалаштирилаётган лойиҳалар ҳамда Ўзбекистон Республикаси Олий Мажлиси ҳузуридаги ташкил этилган Қонунчилик муаммолари ва парламент тадқиқотлари институти фаолияти тўғрисида ахборотлар берилди.

Британиялик сиёсатчи, Буюк Британия парламенти Лордлар палатаси аъзоси баронесса А.Сатти самимий қабул учун миннатдорчилик билдириб, Ўзбекистон ва Буюк Британия муносабатларини мустаҳкамлашнинг долзарблигини қайд этиб, икки давлат ўртасидаги парламентлараро ҳамкорликни ривожлантириш лозимлигини таъкидлади.

Учрашувда парламентаризмни ривожлантиришда самарали ҳамкорлик, аҳоли саломатлиги муҳофазаси, жумладан юқумли касалликлар, сил билан курашиш масалалари ҳам ўртага ташланди. Шунингдек, парламент қўмиталари фаолияти самарасини юксалтириш, кенг омма учун ахборотда парламентнинг жамоатчилик билан ўзаро алоқасини шаклланишида ҳамкорлик ҳамда парламент ходимлари салоҳиятини ошириш ва ривожлантириш бўйича лойиҳаларга доир масалалар ҳам муҳокама қилинди.

Учрашув якунида ҳамкорликдаги ижтимоий соҳани ривожлантириш масалалари, жумладан аҳолига тиббий хизмат кўрсатишни такомиллаштириш бўйича тадбирларни ташкиллаштиришга қизиқиш билдирилди.

Конструктив ва дўстона руҳда бўлиб ўтган учрашувда бошқа масалалар ҳам кўриб чиқилди.


Кўришлар сони: 4843


Депутатлар минбари

Янгиликлар

19.09.2021
Трансплантация соҳасига оид қонун такомиллаштирилмоқда

Бугун энг муҳим йўналишлардан бири – органлар трансплантацияси саналади. Кейинги йилларда бу соҳага...

19.09.2021
Аҳоли томонидан берилган таклифлар қонун лойиҳасида ўз аксини топади

Ҳар бир соҳанинг ривожи унинг ҳуқуқий асоси билан боғлиқ. Қонун билан мустаҳкамланган соҳа барқарор...

18.09.2021
Инсон саломатлиги билан боғлиқ узоқ кутилган қонун лойиҳаси жамоатчилик муҳокамасида

Аввал хабар берганимиздек, Олий Мажлис Қонунчилик палатаси депутатлари, қуйи палата Девони ходимлари...

Тадбирлар тақвими