Cайт ранги: A A


Бошқа тадбирлар

Қўмита раиси соғлиқни сақлаш вазирига таклиф берди

Қўмита раиси соғлиқни сақлаш вазирига таклиф берди

Қуйи палатадаги Фуқароларнинг соғлиғини сақлаш масалалари қўмитаси раиси Елена Борисова 22 февраль куни Қонунчилик палатасида ЎзХДП фракцияси ташаббуси билан ўтказилган парламент эшитувида соғлиқни сақлаш вазирига таклиф берди.

Қўмита раисининг қайд этишича, соғлиқни сақлаш тизимини ислоҳ қилиш доирасида бирламчи тиббий-санитария ёрдамини кўрсатишнинг замонавий тизимини шакллантириш бугунги кунда муҳим аҳамиятга эга. Чунки дунёда эпидемиологик хавф-хатарлар тобора кучайиб бораётган бир шароитда касалликларга қарши курашишда янгича ёндашувларни жорий этишни талаб этмоқда. Шу нуқтаи назардан, Қонунчилик палатасидаги Аҳоли саломатлигини мустаҳкамлаш борасидаги ислоҳотларни ҳаётга татбиқ этиш бўйича парламент комиссияси аъзолари, шунингдек, депутатлар жойларда бўлиб, аҳолининг сиҳат-саломатлиги ҳолатини аниқлаш жараёни қандай кечаётгани, уларнинг тегишли гуруҳларга, яъни таянч, паст хавф, ўрта хавф, юқори хавф гуруҳларининг қандай шакллантирилаётганини ўрганишди.

Депутат бу жараёнда “Ҳатлов” дастури қандай ишлашига, мамлакат раҳбарининг 2020 йил 12 ноябрдаги “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида” ги Фармонида белгиланган вазифалар қандай бажарилаётганига масъул вазирлик эътиборини қаратди. Халқ вакилларининг тиббиёт ходимлари, аҳоли билан мулоқотлари чоғида “Ҳатлов”ни самарали ўтказиш, бу бўйича маълумотларни таҳлил қилиш, истиқболда ўрта хавф ва юқори хавф гуруҳларига мансуб аҳоли соғлиғини яхшилаш билан боғлиқ кўплаб саволлар кўтарилаётганини билдирди.

Е. Борисова коронавирусга қарши эмлашда барча муҳим омиллар инобатга олинишини таъкидлаган ҳолда, ҳозирда 3 138 та эмлаш пункти, 862 та мобиль бригадалар фаолиятини йўлга қўйиш, мавжуд 1 та марказий, 14 та ҳудудий ҳамда 206 та туман (шаҳар) вакцина сақлаш омборхоналарини шай ҳолатига келтириш ишлари олиб борилаётганига урғу берди. Айни шу жараёнда аҳоли билан, ҳар битта оила билан қандай иш олиб борилиши кераклиги билан қизиқди. Ва шу ўринда соғлиқни сақлаш вазирига ўз таклифларини билдирди. Чунончи, бу борадаги саъй-ҳаракатларни янада самарали ва мақсадли амалга ошириш учун ушбу масалани Соғлиқни сақлаш вазирлиги ва бошқа манфаатдор идоралар билан муҳокама қилиш зарурлиги, қолаверса, мазкур тадбирларда шифокорлар иштирок этишини ҳисобга олиш мақсадга мувофиқлиги таъкидланди.


Кўришлар сони: 214

Депутатлар минбари

Янгиликлар

08.04.2021
Депутатлар 279 та муаммони жойида ҳал этди

Қизғин ўтган мазкур учрашувлар давомида сайловчилар томонидан 616 та муаммо ва муаммоли вазият, ...

08.04.2021
Хотин-қизларнинг ҳуқуқий манфаатларини ҳимоя қилиш масаласи муҳокама қилинди

Аёллар соғлигини муҳофаза қилиш чоралари, тиббий хизмат қамровини кенгайтириш, оилада соғлом фарзандни...

08.04.2021
Ўзбекистон — Саудия Арабистони: парламентлараро алоқаларнинг янги босқичи

Бугунги глобаллашув жараёнида давлатлар ўртасидаги ўзаро ҳамкорлик ва яқин муносабатлар жуда муҳим...

Тадбирлар тақвими