Cайт ранги: A A


Бошқа тадбирлар

Буюк Британиянинг Ўзбекистондаги элчиси Т. Торлот билан онлайн учрашув

Буюк Британиянинг Ўзбекистондаги элчиси Т. Торлот билан онлайн учрашув

2020 йил 30 июль куни парламент қуйи палатасида Ўзбекистон Республикаси Олий Мажлиси Қонунчилик палатаси Спикерининг биринчи ўринбосари A.Саидовнинг Буюк Британиянинг Ўзбекистондаги элчиси Т. Торлот билан онлайн учрашуви бўлиб ўтди.

Видеомулоқотнинг мақсади — Олий Мажлис Қонунчилик палатаси ва Буюк Британия ўртасидаги шерикликнинг асосий йўналишларини муҳокама қилишдан иборатдир.

Онлайн суҳбат аввалида хорижий дипломатик ваколатхонанинг раҳбарига Буюк Британия парламенти билан ҳамкорлик қилиш учун Олий Мажлиснинг парламентлараро гуруҳининг янги таркиби, Ўзбекистондаги парламент ва сиёсий ислоҳотларни ривожлантиришнинг устувор йўналишлари тўғрисида маълумот берилди.

Шунингдек, Элчига Ўзбекистон Республикаси Президенти Шавкат Мирзиёевнинг суд тизимини ислоҳ қилишга қаратилган фармони, Ўзбекистон Республикасининг Инсон ҳуқуқлари бўйича миллий стратегияси тўғрисида батафсил маълумот берилди. Ўзбекистон Республикаси Президенти ташаббуси билан ИҲММ томонидан тайёрланган Ёшлар ҳуқуқлари тўғрисидаги конвенция лойиҳаси, шунингдек, Самарқанд шаҳрида (жорий йил 12-13 август)ёшлар ҳуқуқлари масалаларига бағишланган Инсон ҳуқуқлари бўйича халқаро форумни ўтказилиши ҳақида хабардор қилинди. Унда Буюк Британия Вакиллар палатаси ва Лордлар палатасининг таниқли вакиллари иштирок этиши режалаштирилган.

Т. Торлот Ўзбекистонда амалга оширилаётган кенг кўламли ва шиддаткор ижтимоий-сиёсий ва ижтимоий-иқтисодий ўзгаришларни олқишлаб, парламентнинг ролини оширишга қаратилган ижобий натижаларни, ҳукумат фаолиятини мониторинг қилиш, инсон ҳуқуқлари ва эркинликларини ҳимоя қилишдаги ролини кучайтириш борасидаги ижобий ютуқларни алоҳида таъкидлаб ўтди.

Буюк Британиянинг Тошкентдаги дипломатик ваколатхонаси раҳбари, шунингдек, Ўзбекистоннинг 2030 йилгача бўлган даврда Барқарор ривожланиш мақсадларининг миллий кўрсаткичлари бажарилиши бўйича парламент кузатув комиссияларини яратиш бўйича муҳим қадамларни мамнуният билан қайд этди.

Онлайн учрашув давомида томонлар шунингдек қуйидаги масалаларни муҳокама қилдилар:

- ҳаракатлар режаси ва атроф-муҳитга оид қонун ҳужжатлари;

- инсон ҳуқуқлари тўғрисидаги қонун ҳужжатларининг асосий мақсадлари;

- ННТ ва диний эркинликлар тўғрисидаги қонун ҳужжатларига тааллуқли сўнгги ўзгаришлар;

- Инсон ҳуқуқлари бўйича миллий марказнинг роли ва аҳамияти;

- фуқаролик жамияти институтларининг ролини кучайтириш.

Бундан ташқари, икки томонлама онлайн мулоқотлар якунларига кўра, жорий йилнинг сентябрь-октябрь ойларида иқлим ўзгариши бўйича Ўзбекистон-Буюк Британия парламент форумини ташкил этишга келишиб олинди.

Учрашув якунида томонлар онлайн мулоқот самарали ўтганини таъкидлаб, самарали ва конструктив ҳамкорликни янада ривожлантиришга тайёр эканликларини билдирдилар.


Кўришлар сони: 888

Депутатлар минбари

Янгиликлар

21.06.2021
Президент мактабининг битирувчи ўқувчилари Қонунчилик палатасида

2021 йил 21 июнь куни Олий Мажлис Қонунчилик палатасида Президент мактабларининг битирувчи ўқувчилар...

21.06.2021
Сув ва сувдан фойдаланишда қандай ўзгаришлар бўлади?

Олий Мажлис Қонунчилик палатасидаги ЎзЛиДеП фракциясининг навбатдаги йиғилишида жамиятимиз ҳаётининг...

21.06.2021
Ҳисоб палатаси фаолиятига оид қонун ҳужжатлари такомиллаштирилмоқда

Жорий йилнинг 21 июнь куни Ўзбекистон Экологик партияси фракциясининг навбатдаги йиғилиши бўлиб ўтди...

Тадбирлар тақвими