Cайт ранги: A A


Фракция йиғилишлари

Шарқда илк бор том маънодаги почта хизматига Бобур асос солган

Шарқда илк бор том маънодаги почта  хизматига Бобур асос солган

Инсон доимо ўзаро мулоқот қилиш, фикр ва тажриба алмашиш, бир-бирининг холидан хабардор бўлиб туришга интилган ва бу эҳтиёжини почта хизмати орқали амалга ошириб келган.

Дастлабки почта тузилмалари қадимги Мисрда пайдо бўлгани айтилса-да, дунё тамаддуни бешикларидан бири ҳисобланган кўҳна диёримизда ҳам почта хизмати босқичма-босқич шаклланиб, тараққий этиб келган.

Хусусан, Амир Темур салтанатида ўз даври учун мукаммал почта хизмати ташкил этилган. Шу боис, Соҳибқироннинг амру фармонлари унинг тасарруфидаги барча ҳудудларга зудлик билан етказиб турилган.

Заҳириддин Муҳаммад Бобур ташаббуси билан эса Шарқда илк бор том маънодаги почта хизмати йўлга қўйилган. Ушбу соҳа хизматчиларига маош берилиб, манзилга тез етиб бориши учун хавфсизлиги таъминланган.

Мамлакатимизда мустақилликдан сўнг ушбу соҳада изчил ислоҳотлар амалга оширилди. Лекин 2000 йилнинг 31 августида қабул қилинган “Почта алоқаси тўғрисида”ги қонун бугун замонавий талабларга жавоб бермай қолди. Шундан келиб чиқиб, янги қонун лойиҳаси тайёрланди.

Олий Мажлис Қонунчилик палатасидаги “Миллий тикланиш” демократик партияси фракциясининг навбатдаги йиғилишида кўриб чиқилган дастлабки ҳужжат ­- “Почта алоқаси тўғрисида”ги қонун лойиҳаси бўлди.

Муҳокамалар давомида депутатлар қонун лойиҳасининг қабул қилиниши соҳада меъёрий-ҳуқуқий базани такомиллаштириш, аҳолига тезкор, замонавий ва сифатли хизмат кўрсатиш учун шароитлар яратиш имконини беришини инобатга олиб, лойиҳани қўллаб-қувватладилар.

Фракция йиғилишида “Ўзбекистон Республикаси Савдо-саноат палатаси тўғрисида”ги қонунига қўшимча ва ўзгартиш киритиш ҳақида”ги қонун лойиҳаси ҳам иккинчи ўқишда муҳокама қилинди.

Қайд этилганидек, ташқи савдо битимлари ва халқаро шартномалар доирасида юзага келадиган барча форс-мажор ҳолатларини тасдиқлаш Инвестициялар ва ташқи савдо вазирлиги томонидан амалга оширилиб келинади. Аммо маҳаллий шартномалар доирасида юзага келадиган бундай ҳолатларни тасдиқлаш бўйича ваколатли орган белгиланмаган ва бу тадбиркорлик фаолияти билан боғлиқ бир қатор муаммоларни вужудга келтирмоқда.

Ушбу қонун лойиҳаси бундай ҳолатларни тартибга солиш мақсадида ишлаб чиқилган бўлиб, унда хўжалик шартномалар доирасида юзага келадиган енгиб бўлмайдиган(форс-мажор) ҳолатларни тасдиқлаш ваколатини Савдо-саноат палатасига бериш кўзда тутилган.

Депутатлар қонун лойиҳа бу борадаги норматив-ҳуқуқий базанинг яратилиши, ҳуқуқий бўшлиқнинг тўлдирилишига хизмат қилишини эътиборга олиб, уни маъқулладилар.


Кўришлар сони: 43

Депутатлар минбари

Янгиликлар

15.01.2022
Халқимиз манфаатларига хизмат қиладиган таклифлар илгари сурилди

Жамоатчилик муҳокамасига қўйилган “Янги Ўзбекистоннинг 2022-2026 йилларга мўлжалланган тараққиёт...

15.01.2022
Қўмитанинг 2021 йил якунлари бўйича фаолияти сарҳисоб қилинди

Олий Мажлис Қонунчилик палатасининг Фан, таълим, маданият ва спорт масалалари қўмитаси томонидан...

14.01.2022
Тараққиёт стратегияси:75 минг гектар интенсив боғ ва янги узумзорлар барпо этилади

Олий Мажлис Қонунчилик палатасининг Аграр ва сув хўжалиги масалалари қўмитаси “Янги Ўзбекистоннинг...

Тадбирлар тақвими