Cайт ранги: A A


Фракция йиғилишлари

Вакцина эпидемик вазиятни барқарорлаштирадиган ягона чора

Вакцина эпидемик вазиятни барқарорлаштирадиган  ягона чора

Бугунги кунда мамлакатимиз бўйлаб эмлаш тадбирлари олиб борилмоқда. Жойларда ҳам аҳолини коронавирусга қарши эмлаш бўйича барча чоралар кўрилган. Лекин айни вақтда бу имкониятларнинг тенг ярмидан фойдаланилмоқда.

Режага кўра, ҳар бир эмлаш пунктида кунига 70 нафар фуқаро эмланиши белгиланган бўлса-да, лекин амалда атиги 36 киши эмланяпти. Ваҳоланки, вакцинадан бошқа эпидемик вазиятни барқарорлаштирадиган чора йўқ. Шу боис, жаҳон ҳамжамиятида вакцинага бўлган эҳтиёж жуда юқоридир.

Олий Мажлис Қонунчилик палатасидаги “Адолат” СДП фракциясининг навбатдаги йиғилиши ҳам мамлакатимизда аҳолини коронавирусга қарши эмлаш борасида амалга оширилаётган ишлар ҳолатига бағишланди.

Йиғилишда жорий йилнинг ўтган 3 ойи давомида 65 ёшдан катта аҳоли қатламининг атиги 42,8 фоизи, сурункали касалликлари бўлган аҳоли қатламининг 67,7 фоизи, мактабгача таълим ташкилотлари ходимларининг 77,4 фоизи ҳамда умумий ўрта таълим мактабларида фаолият кўрсатаётган ходимларнинг 68,7 фоизи коронавирус инфекциясига қарши эмлангани таъкидланди.

– Бугунги кунда аҳоли орасида касалликка чалиниш ҳолатлари кўп учраётгани кишини ташвишга солмоқда, – дейди Олий Мажлис Қонунчилик палатасидаги “Адолат” СДП фракцияси аъзоси Иномжон Қудратов. — Кейинги пайтда жойларда коронавирус инфекцияси тарқалишининг олдини олиш борасида тизимли ишлар олиб борилаётганига қарамай, ҳали-ҳамон кўча-кўйда ниқобсиз юрганларни кўп учратяпмиз. Ахир ҳозир коронавирусга чалинганлар сони кескин ортиб бораётган бир пайтда, ҳар биримиз ўзимизга, оиламизга ва ҳамкасбларимизга эътиборли бўлишимиз керак эмас-ми?

Йиғилишда коронавирус инфекцияси билан боғлиқ эпидемилогик барқарорликни таъминлаш ҳамда аҳоли саломатлигини муҳофаза қилиш мақсадида жорий этилган биринчи навбатда хавф ости гуруҳига мансуб аҳоли қатламини босқичма-босқич эмлаш тадбирлари талаб даражасида эмаслиги қайд этилган ҳолда, бу масалага алоҳида эътибор қаратиш лозимлиги билдирилди.

Шунингдек, эмлашни оммавий тарзда йўлга қўйган кўп давлатларда касалланганлар сони изчил камайиб бораётгани айтилиб, бунинг ягона чораси вирусга қарши вакцина олиш эканлиги қайд этилди.

Тадбирда кун тартибидаги масала юзасидан фракциянинг тегишли қарори қабул қилинди.


Кўришлар сони: 376

Депутатлар минбари

Янгиликлар

19.09.2021
Трансплантация соҳасига оид қонун такомиллаштирилмоқда

Бугун энг муҳим йўналишлардан бири – органлар трансплантацияси саналади. Кейинги йилларда бу соҳага...

19.09.2021
Аҳоли томонидан берилган таклифлар қонун лойиҳасида ўз аксини топади

Ҳар бир соҳанинг ривожи унинг ҳуқуқий асоси билан боғлиқ. Қонун билан мустаҳкамланган соҳа барқарор...

18.09.2021
Инсон саломатлиги билан боғлиқ узоқ кутилган қонун лойиҳаси жамоатчилик муҳокамасида

Аввал хабар берганимиздек, Олий Мажлис Қонунчилик палатаси депутатлари, қуйи палата Девони ходимлари...

Тадбирлар тақвими