Cайт ранги: A A


Қўмита ва комиссиялар йиғилишлари

Болалар ва аёлларга нисбатан зўравонликнинг барча турларини тугатиш масаласи муҳокама қилинди

Болалар ва аёлларга нисбатан зўравонликнинг барча турларини тугатиш масаласи муҳокама қилинди

2021 йил 18 июнь куни Олий Мажлис Қонунчилик палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси томонидан “БМТнинг Барқарор ривожланиш мақсадлари ҳафталиги” доирасида тадбир ўтказилди. Унда болалар ва аёлларга нисбатан зўравонликнинг барча турларини тугатиш борасида амалга оширилган ишлар атрофлича муҳокама қилинди.

Тадбирда депутатлар, Бош прокуратура, Ички ишлар, Соғлиқни сақлаш, Халқ таълими, Мактабгача таълим, Маҳалла ва оилани қўллаб-қувватлаш вазирликлари, Ёшлар ишлари агентлиги, Бола ҳуқуқлари бўйича вакил ҳамда ОАВ ходимлари иштирок этишди.

Таъкидланганидек, БМТнинг Барқарор ривожланиш мақсадларига эришишда парламент назорати муҳим аҳамият касб этади. Шундан келиб чиқиб, Ҳукумат қарори билан 2030 йилгача бўлган даврда барқарор ривожланиш соҳасидаги миллий мақсад ва вазифалар белгилаб олинган.

Тадбирда бугунги кунда тазйиқ ва зўравонликка учраган фуқаролар ҳақида маълумот шакллантириш, улар билан ишлаш, реабилитация марказлари фаолияти самарадорлигини ошириш борасида амалга оширилган ишлар муҳокама қилинди.

Маҳалла ва оилани қўллаб-қувватлаш вазирлигининг маълумотига кўра, оилавий зўравонликнинг олдини олиш ва оилавий зўравонликдан жабр кўрганларга амалий ёрдам кўрсатиш мақсадида “йўл харита”си тасдиқланиб, медиа-режа қабул қилинган. Таъкидланишича, жорий йилда зўрлик ишлатишдан жабр кўрган шахсларни реабилитация қилиш ва мослаштириш марказларига 4205 нафар фуқаро мурожаат қилган. Уларнинг 3827 нафари аёллар, 169 нафари болалар ва 209 нафари эркаклардир.

Муҳокамалар давомида йўналишда олиб борилган ишлар таҳлил қилиниб, ҳудудларда аниқланган камчиликларни бартараф этиш борасида амалга оширилиши лозим бўлган ишлар белгилаб олинди.

Шунингдек, депутатлар томонидан жамиятда ва оилада маънавий-ахлоқий муҳитни мустаҳкамлаш, зўравонликка қарши муросасизлик руҳини шакллантириш, болалар ва аёлларнинг ҳуқуқларини ҳурмат қилиш, ижтимоий ҳаётнинг барча соҳаларида ҳуқуқ устуворлиги принципини тўла қарор топтириш юзасидан фикр-мулоҳаза ва таклифлар билдирилди.

Тадбир якунида қўйилган мақсад ва вазифаларга эришиш бўйича келгуси режалар юзасидан маслаҳатлашувлар ўтказилди ҳамда келишув асосида шу каби форматда муҳокамаларни доимий равишда ўтказишга келишиб олинди.


Кўришлар сони: 292

Депутатлар минбари

Янгиликлар

19.09.2021
Трансплантация соҳасига оид қонун такомиллаштирилмоқда

Бугун энг муҳим йўналишлардан бири – органлар трансплантацияси саналади. Кейинги йилларда бу соҳага...

19.09.2021
Аҳоли томонидан берилган таклифлар қонун лойиҳасида ўз аксини топади

Ҳар бир соҳанинг ривожи унинг ҳуқуқий асоси билан боғлиқ. Қонун билан мустаҳкамланган соҳа барқарор...

18.09.2021
Инсон саломатлиги билан боғлиқ узоқ кутилган қонун лойиҳаси жамоатчилик муҳокамасида

Аввал хабар берганимиздек, Олий Мажлис Қонунчилик палатаси депутатлари, қуйи палата Девони ходимлари...

Тадбирлар тақвими