Cайт ранги: A A


Қўмита ва комиссиялар йиғилишлари

Экологик барқарорликни таъминлаш — устувор вазифа

Экологик барқарорликни таъминлаш — устувор вазифа

Шу кунларда Тошкент шаҳрида “Барқарор ривожланиш мақсадлари ҳафталиги” доирасида қатор тадбирлар ўтказилмоқда. Ҳафталик доирасида Олий Мажлис палаталари қўмиталари томонидан барқарор ривожланиш соҳасидаги барча миллий мақсадлар бўйича туркум давра суҳбатлари ўтказилмоқда.

2021 йил 14 июнь куни Олий Мажлис Қонунчилик палатаси Экология ва атроф-муҳитни муҳофаза қилиш масалалари қўмитаси томонидан “Шаҳарлар ва аҳоли яшаш пунктларининг очиқлиги, хавфсизлиги ва экологик барқарорлигини таъминлаш” мавзусида давра суҳбати ўтказилди.

Унда Олий Мажлис Қонунчилик палатаси депутатлари, вазирлик ва идоралар, жамоатчилик вакиллари ҳамда хорижий экспертлар иштирок этди.

Давра суҳбатида барқарор ривожланиш соҳасидаги 11-мақсад этиб белгиланган “Шаҳарлар ва аҳоли яшаш пунктларининг очиқлиги, хавфсизлиги ва экологик барқарорлигини таъминлаш” масаласи муҳокама қилинди.

Кун тартибидаги масала юзасидан Қурилиш, Уй-жой коммунал хизмат кўрсатиш вазирликлари, Экология ва атроф муҳитни муҳофаза қилиш давлат қўмитаси мутасаддиларининг миллий мақсадлар ва вазифалар бўйича амалга оширилаётган ишлар юзасидан ахборотлари эшитилди.

Тадбирда қайд этилганидек, бугунги кунда белгиланган вазифалар ижроси юзасидан вилоят марказлари, Нукус ва Тошкент шаҳарларида атроф-муҳитга таъсир хавфи юқори бўлган 685 та корхона ва ташкилотларнинг атмосфера ҳавосига, сув муҳитига ҳамда ерларнинг ифлослантирилиши бўйича мониторинг кузатувлари олиб борилмоқда.

Таҳлил натижаларига кўра, жорий йилнинг I чорагида 403 та корхонанинг 1413 та манбасида мониторинг амалга оширилди. Мазкур жараёнда 136 та объектнинг 169 та манбасида табиий муҳитни рухсат этилган меъёрдан ортиқ ифлослантириш ҳолатлари аниқланиб, бартараф этиш чоралари кўрилди.

Шунингдек, 2021-2023 йилларда Ўзбекистон Республикасидаги йирик саноат корхоналарида чанг-газларни тутиб қолиш самарадорлигини янада оширишга қаратилган чора-тадбирлар дастури тасдиқланди. Унда 53 та корхонадаги 294 та чанг-газ тозалаш ускуналарини таъмирлаш ҳамда атмосферага чиқарилаётган зарарли моддаларни камайтириш кўзда тутилган.

Таъкидланганидек, 2021-2025 йилларда республика, вилоят ва туман аҳамиятига эга бўлган 32 та оқова сув тозалаш иншоотларини реконструкция қилиш режалаштирилган. Ҳозирги вақтда Жиззах, Гулистон, Ширин ва Янгиер шаҳарларининг канализация тизимини реконструкция қилиш ишлари бошланган. Шунингдек, Хоразм, Наманган ва Қашқадарё вилояти марказларининг тозалаш иншоотлари бўйича лойиҳалаш, техник иқтисодий асослар ишлаб чиқилмоқда.

Давра суҳбатида шаҳарлар ва аҳоли яшаш пунктларининг очиқлиги, хавфсизлиги ва экологик барқарорлигини таъминлаш юзасидан қўмитанинг тегишли қарори қабул қилинди.


Кўришлар сони: 319

Депутатлар минбари

Янгиликлар

19.09.2021
Трансплантация соҳасига оид қонун такомиллаштирилмоқда

Бугун энг муҳим йўналишлардан бири – органлар трансплантацияси саналади. Кейинги йилларда бу соҳага...

19.09.2021
Аҳоли томонидан берилган таклифлар қонун лойиҳасида ўз аксини топади

Ҳар бир соҳанинг ривожи унинг ҳуқуқий асоси билан боғлиқ. Қонун билан мустаҳкамланган соҳа барқарор...

18.09.2021
Инсон саломатлиги билан боғлиқ узоқ кутилган қонун лойиҳаси жамоатчилик муҳокамасида

Аввал хабар берганимиздек, Олий Мажлис Қонунчилик палатаси депутатлари, қуйи палата Девони ходимлари...

Тадбирлар тақвими