Cайт ранги: A A


Қўмита ва комиссиялар йиғилишлари

Депутатлар ёшлар билан учрашди

Депутатлар ёшлар билан учрашди

2020 йил 27 февраль куни Тошкент давлат архитектура институтида Ўзбекистон Республикаси Олий Мажлиси Қонунчилик палатасининг Саноат, қурилиш ва савдо масалалари қўмитаси аъзоларининг талабалар билан учрашуви бўлиб ўтди.

Учрашувда Президентимиз Шавкат Мирзиёевнинг Олий Мажлисга Мурожаатномасининг аҳамияти, унда ёшларга қаратилган катта эътибор, яратилаётган шарт-шароитлар ва ғамхўрликлар ҳақида батафсил маълумот берилди.


Мурожаатномада Президентимиз Шавкат Мирзиёев томонидан қурилиш соҳасига алоҳида тўхталиб ўтилгани, хусусан, ҳозирги вақтда мазкур соҳа иқтисодиётнинг муҳим “драйвер”ларидан бирига айлангани таъкидланган эди. Ушбу тармоқни янада ривожлантириш учун қурилишга оид нормаларни халқаро стандартлар билан уйғунлаштириш, замонавий қурилиш технологиялари ва материалларини татбиқ этиш, соҳа учун кадрлар тайёрлаш тизимини тубдан ислоҳ қилиш зарурлиги белгилаб берилди.

Ушбу тадбирнинг бўлғуси етук қурувчиларни тайёрлайдиган мазкур олий ўқув юртида ўтказилишида ҳам катта маъно бор, албатта.

Йиғилишда таъкидландики, белгилаб берилган устувор вазифалар доирасида Олий Мажлис Қонунчилик палатасига жорий йилнинг январь ойида «Ўзбекистон Республикасининг Шаҳарсозлик кодексини тасдиқлаш ҳақида»ги қонун лойиҳаси киритилди.

Айни пайтда Шаҳарсозлик кодексини янги таҳрирда қабул қилишни назарда тутувчи ушбу кодек парламент қуйи палатасида кенг муҳокама этилиб, маромига етказилмоқда.

Тадбирда мазкур қонун лойиҳасининг мазмун-моҳияти, аҳамияти, унинг қабул қилиниши билан қандай ўзгаришларга эришилиши ҳақида ёшларга батафсил маълумотлар берилиши асносида уларнинг ҳам фикр-мулоҳазаларини олишга эришилди.

Очиқ ва самимий кечган ушбу учрашувда талабаларнинг саволларига қўмита аъзолари атрофлича жавоб қайтарди.


Кўришлар сони: 1139

Депутатлар минбари

Янгиликлар

21.06.2021
Президент мактабининг битирувчи ўқувчилари Қонунчилик палатасида

2021 йил 21 июнь куни Олий Мажлис Қонунчилик палатасида Президент мактабларининг битирувчи ўқувчилар...

21.06.2021
Сув ва сувдан фойдаланишда қандай ўзгаришлар бўлади?

Олий Мажлис Қонунчилик палатасидаги ЎзЛиДеП фракциясининг навбатдаги йиғилишида жамиятимиз ҳаётининг...

21.06.2021
Ҳисоб палатаси фаолиятига оид қонун ҳужжатлари такомиллаштирилмоқда

Жорий йилнинг 21 июнь куни Ўзбекистон Экологик партияси фракциясининг навбатдаги йиғилиши бўлиб ўтди...

Тадбирлар тақвими