Cайт ранги: A A


Палата мажлислари

Почта ва курьерлик алоқа хизматларида қандай ўзгаришлар кутиляпти?

Почта ва курьерлик алоқа хизматларида  қандай ўзгаришлар кутиляпти?

Олий Мажлис Қонунчилик палатасининг навбатдаги ялпи мажлисида “Почта алоқаси тўғрисида”ги қонун лойиҳаси биринчи ўқишда муҳокама қилинди.

Мазкур қонун лойиҳаси республикадаги почта алоқаси хизматлари бозорининг ривожланиш даражаси ва жаҳон почта алоқаси хизматлари бозори ривожланишининг замонавий тенденцияларини инобатга олган ҳолда ишлаб чиқилган.

“Почта алоқаси тўғрисида”ги Ўзбекистон Республикаси Қонуни ушбу соҳадаги муносабатларнинг барча жабҳаларини белгилаб берувчи базавий қонун ҳисобланади. Лекин бугунги кунга келиб, у почта алоқаси соҳасини ҳуқуқий тартибга солиш замонавий тенденцияларга жавоб бера олмайди.

Хусусан, қонунчилик амалиётига мувофиқ почта алоқаси соҳасидаги давлат сиёсатининг асосий йўналишлари белгиланмаган. Почта алоқаси соҳасини давлат томонидан лицензиялаш орқали тартибга солиниши белгилаб қўйилган бўлсада, бугунги кунгача мазкур фаолиятни лицензиялаш тартиби жорий этилмаган.

Таклиф этилаётган қонун лойиҳасида эса амалдаги “Почта алоқаси туғрисида”ги қонунни почта алоқаси туғрисидаги қонунчилик ҳужжатлари ва халқаро шартномалар меъёрларига мувофиқлаштириш, почта алоқаси соҳасидаги давлат сиёсатининг асосий йўналишлари ва почта алоқаси турларини белгилаш назарда тутилмоқда.

Қонун лойиҳасининг қабул қилиниши почта алоқасини ривожлантириш йўналишида ҳуқуқий ва меъёрий-ҳуқуқий базани такомиллаштириш, Ўзбекистон Республикасининг бутун ҳудудида сифатли умумфойдаланишдаги почта алоқаси ва курьерлик алоқаси хизматларини кўрсатиш учун шароитлар яратиш имконини беради.

Халқ вакиллари соҳанинг қонунчилик базасини тартибга солишнинг аҳамиятини инобатга олган ҳолда, мазкур қонун лойиҳасини қабул қилдилар.


Кўришлар сони: 94

Депутатлар минбари

Янгиликлар

27.10.2021
Ҳар бир мурожаат қонуний ечим топиши керак

Халқ билан мулоқот. Кейинги йилларда мамлакатимизда халқ билан мулоқот қилиш, мурожаатлар билан ишла...

27.10.2021
A.Саидов Буюк Британия парламенти Лордлар палатаси аъзоси Б.Сатти билан учрашди

Олий Мажлис Қонунчилик палатаси Спикерининг биринчи ўринбосари Aкмал Саидов 27 октябрь куни Буюк...

27.10.2021
Спикер Н. Исмоилов Президент сайловининг эълон қилинган якунларига баҳо берди

Ўзбекистон халқи жамиятимизда рўй бераётган шаҳдам ва давомли ютуқларни, кўламдор ижобий ўзгаришларни,...