Cайт ранги: A A


Палата мажлислари

Аҳоли учун яна бир имтиёз ва қулайлик: солиқлар тўловидаги янги имкониятлар

Аҳоли учун яна бир имтиёз ва қулайлик: солиқлар тўловидаги янги  имкониятлар

Солиқдан қарз юзага келса, уни бўлиб тўлаш мумкин. Олий Мажлис Қонунчилик палатасининг навбатдаги мажлисида депутатлар тадбиркорликни қўллаб-кувватлаш, ишбилармонлик муҳитини янада яхшилашга қаратилган қонун лойиҳасини биринчи ўқишда атрофлича кўриб чиқдилар.

Қонун лойиҳасида тадбиркорлик субъектларини қўллаб-қувватлаш, заргарлик саноатини янада ривожлантириш учун қулай шарт-шароитлар яратиш, қимматбаҳо металларни ишлаб чиқаришда ҳосил бўладиган парчаларни ва чиқиндиларни, қимматбаҳо металларнинг ўлчов пластиналари ва гранулалари, кимматбаҳо ва ярим қимматбаҳо тошлар, қимматбаҳо металлар ва қимматбаҳо тошлардан ясалган ярим тайёр маҳсулотларни реализация қилиш бўйича айланма қўшилган қиймат солиғидан озод қилиниши назарда тутилмоқда.

Лойиҳа билан солиқ тўловчининг илмий тадқиқотларга ва (ёки) тажриба-конструкторлик ишланмаларига доир харажатлари фойда солиғи бўйича солиқ солинадиган базадан 2 коэффицент қўлланилган ҳолда чегириб ташланиш тартиби жорий қилинади.

Бундан ташқари қонун лойиҳасида уч йилдан ортиқ фаолият кўрсатаётган ҳамда ҳисобланган солиқларни муддатида тўлаб келган, лекин молиявий аҳволига кўра солиқ қарзини тўлаш имкониятига эга бўлмаётган тадбиркорлик субъектларига солиқларни бўлиб-бўлиб тўлаш имконияти бериляпти. Бу қулайликлар уч йилдан ортиқ товарларни импорт қилиш билан шуғулланаётган, божхона тўловлари бўйича мажбуриятларини бажариб келган, лекин молиявий аҳволига кўра тўловларни белгиланган муддатда тўлаш имкониятига эга бўлмаётган ташқи иқтисодий фаолият иштирокчиларига ҳам татбиқ этилиши белгиланмоқда.

Қонун лойиҳаси билан Ўзбекистон Республикаси Солиқ кодексининг 378-моддасига қўшимча киритилмоқда. Яъни, жисмоний шахсларнинг профессионал таълим муассасаларида таълим олиши учун йўналтирган маблағлари ҳам жисмоний шахслардан олинадиган даромад солиғидан озод этилиши назарда тутиляпти.

Ушбу ҳужжат лойиҳасининг қабул қилиниши, аҳоли даромадаларини кўпайтиришга, тадбиркорлик субъектларининг янада ривожланишига, аниқ соҳалардаги муносабатларни тартибга солувчи норматив-хуқуқий ҳужжатларни тизимлаштиришга хизмат қилади.


Кўришлар сони: 245

Депутатлар минбари

Янгиликлар

27.09.2021
Хитой – Марказий Осиё:Ягона тақдир жамиятини шакллантиришда қонунчилик органларининг роли

Жорий йилнинг 27 сентябрь куни Марказий Осиё мамлакатлари парламентлари билан биргаликда “Хитой ...

24.09.2021
Масофавий тиббий хизматлар сифатини ошириш масаласи муҳокама қилинди

Олий Мажлис Қонунчилик палатаси Инновацион ривожланиш, ахборот сиёсати ва ахборот технологялари ...

24.09.2021
Халқаро нотариуслар иттифоқи вакиллари Қонунчилик палатасида бўлди

Бугун, 24 сентябрь куни Ўзбекистон Республикаси Олий Мажлиси Қонунчилик палатаси депутатларининг Хал...