Cайт ранги: A A


Палата мажлислари

Қимматли қоғозлардан даромад олиш имкониятлари кенгаймоқда

Қимматли қоғозлардан даромад олиш имкониятлари кенгаймоқда

Олий Мажлис Қонунчилик палатасининг 2021 йил 15 июнь куни бўлиб ўтган навбатдаги мажлисида депутатлар “Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳасини иккинчи ўқишда атрофлича муҳокама қилдилар.

Таъкидланганидек, лойиҳадаги нормалар қимматли қоғозлар бозори ва акциядорлик жамиятлари фаолияти соҳасида қулай ишбилармонлик муҳитини яратиш бўйича қилинаётган ислоҳотлар самарадорлигини оширишга, акциядорлик жамиятлари шаклидаги тижорат ташкилотлари фаолияти ҳамда мамлакатнинг халқаро майдондаги имиджини кўтаришга қаратилган.

Қонун лойиҳасига хорижий номинал сақловчи тушунчаси киритилмоқда. Хорижий номинал сақловчи – қимматли қоғозлар эгасининг ёки у вакил қилган шахснинг топшириғига кўра, қимматли қоғозларни ҳисобга олишни ва уларга бўлган ҳуқуқларни тасдиқлашни қимматли қоғозларнинг эгаси бўлмаган ҳолда амалга оширадиган хорижий ташкилот ҳисобланади.

Хорижий номинал сақловчи тушунчасининг киритилиши чет эллик инвесторларга уларнинг активлари хавфсизлиги учун қўшимча кафолатлар беради. Шунингдек, эмитент мамлакатининг Марказий депозитарийсида ҳисобварақ очган ўз ҳисоб ташкилоти орқали эмитентлар билан барча масалалар, шу жумладан қимматли қоғозлар бўйича даромад олиш ва корпоратив ахборотлар бўйича одатий услубда иш юритиш шароитини тақдим этади.

Депутатларнинг таъкидлашича, қонун лойиҳасининг қабул қилиниши капитал бозорига молиявий инструментлар билан битимларни ҳисобга олиш ва ҳисоб-китоб қилишнинг халқаро тизими билан интеграциялаш, маҳаллий ва хорижий инвесторларнинг бозорга бўлган ишончини ошириш ҳамда Жаҳон банкининг “Бизнесни юритиш” гуруҳи (Doing Business) рейтингида юртимизнинг мавқеини янада яхшилашга хизмат қилади.

Мажлисда қонун лойиҳаси депутатлар томонидан иккинчи ўқишда қабул қилинди.


Кўришлар сони: 155

Депутатлар минбари

Янгиликлар

27.09.2021
Хитой – Марказий Осиё:Ягона тақдир жамиятини шакллантиришда қонунчилик органларининг роли

Жорий йилнинг 27 сентябрь куни Марказий Осиё мамлакатлари парламентлари билан биргаликда “Хитой ...

24.09.2021
Масофавий тиббий хизматлар сифатини ошириш масаласи муҳокама қилинди

Олий Мажлис Қонунчилик палатаси Инновацион ривожланиш, ахборот сиёсати ва ахборот технологялари ...

24.09.2021
Халқаро нотариуслар иттифоқи вакиллари Қонунчилик палатасида бўлди

Бугун, 24 сентябрь куни Ўзбекистон Республикаси Олий Мажлиси Қонунчилик палатаси депутатларининг Хал...