Cайт ранги: A A


Палата мажлислари

“Миллий тикланиш” ДП ва “Адолат” СДП фракциялари қонун лойиҳасини нега муҳокамадан чиқаришга ҳаракат қилди?

“Миллий тикланиш” ДП ва “Адолат” СДП фракциялари қонун лойиҳасини нега муҳокамадан чиқаришга ҳаракат қилди?

Олий Мажлис Қонунчилик палатасининг 2020 йил 5 май куни бўлиб ўтган мажлисида мамлакат ижтимоий, иқтисодий ҳаётига дахлдор долзарб қонун лойиҳалари кўриб чиқилди.

Мажлис кун тартиби тасдиқланишидан аввал “Адолат” СДП фракцияси раҳбари Наримон Умаров биринчи ўқишда киритилаётган   «Ижтимоий шериклик тўғрисида»ги Ўзбекистон Республикаси Қонунига ўзгартиш ва қўшимча киритиш ҳақида»ги қонун лойиҳасини кун тартибидан чиқариш таклифини билдирди. Фракция раҳбари ўз таклифини қонун лойиҳаси концепцияси бир қатор камчиликларга эга эканлиги, айниқса лойиҳага илова сифатида киритилган тушунтириш хати билан қонун лойиҳаси ўртасида номувофиқликлар мавжудлиги, қонун ташаббуси субъекти томонидан ушбу масалаларга эътибор қаратилмагани билан изоҳлади.

Шундан сўнг қатор депутатлар қонун лойиҳасини концептуал жиҳатдан маъқуллаш ва жиддий муҳокама қилиш учун ҳеч қандай тўсиқлар йўқлигини айтиб ўтдилар. Қонунчилик палатаси Спикери Нурдинжон Исмоилов ҳам тушунтириш хати асосий ҳужжат эмас, биз қонун лойиҳасини муҳокама қилаверишимиз мумкин деган қатъий муносабатни билдирди. Бироқ, “Адолат” СДП фракциясининг таклифини “Миллий тикланиш” ДП фракцияси раҳбари Алишер Қодиров қўллаб-қувватлади ва куни кеча бўлиб ўтган фракция йиғилишида ҳам ушбу партия аъзолари лойиҳага қарши овоз берганликларини таъкидлаб ўтди. Шундан сўнг лойиҳа кун тартибида қолиш ёки қолмаслиги масаласи овозга қўйилди ва унинг натижаларига кўра лойиҳа кўриб чиқиладиган бўлди.

Мазкур қонун лойиҳасининг муҳокамаси кескин баҳс-мунозарага айланиб кетди. Халқ демократик партияси фракцияси ва ЎзЛиДеп фракцияси депутатлари қонун лойиҳасининг қабул қилиниши, ижтимоий шериклик институтини кенгайтиришини, ижтимоий шериклик соҳасида тадбиркорлик субъектлари иштирокини таъминлашини ҳамда бошқа бир қатор масалалар ҳал бўлишини таъкидладилар.

Муҳокамаларда масофадан видеоселектор тарзида иштирок этган Адлия ва Молия вазирлари ўринбосарлари, бошқа мутахассислар ҳам қонун лойиҳасини биринчи ўқишда қабул қилиш ва уни иккинчи ўқишга тайёрлаш жараёнида депутатларнинг таклифларини инобатга олиб такомиллаштириш юзасидан ўз мулоҳазаларини билдириб ўтдилар. Аммо, “Адолат” СДП ва “Миллий тикланиш” ДП фракциялари аъзолари қонун лойиҳасини бу шаклда қабул қилинавериши, уни ҳаётда ишламаслигига олиб келади деган позицияни қатъий ҳимоя қилдилар.

Шундан сўнг, қонун лойиҳаси биринчи ўқишда овозга қўйилди. Депутатларнинг 73 нафари ёқлаб овоз берган бўлса, 26 нафари қарши чиқди, 9 нафар депутат бетарафлигини билдирди ва қонун лойиҳаси биринчи ўқишда ўтиши учун бор йўғи 3 нафар овоз етмади.


Кўришлар сони: 1905

Депутатлар минбари

Янгиликлар

18.06.2021
Акмал Саидов Туркия Бош Омбудсмани билан учрашди

18 июнь куни Ўзбекистон Республикаси Олий Мажлиси Қонунчилик палатаси Спикерининг биринчи ўринбосари...

18.06.2021
Пенсия тизимидаги ислоҳотлар: амалиёт ва истиқболдаги режалар

2021 йил 18 июнь куни парламент қуйи палатасининг Меҳнат ва ижтимоий масалалар қўмитаси томонидан Ўз...

18.06.2021
Болалар ва аёлларга нисбатан зўравонликнинг барча турларини тугатиш масаласи муҳокама қилинди

2021 йил 18 июнь куни Олий Мажлис Қонунчилик палатасининг Демократик институтлар, нодавлат ташкилотл...