Cайт ранги: A A


Палата мажлислари

Термиз туманининг чегараси қисқарди. Нега?

Термиз туманининг чегараси қисқарди. Нега?

Олий Мажлис Қонунчилик палатасининг 2019 йил 9 декабрь куни ўтказилган навбатдаги мажлисида депутатлар бир қатор қонун лойиҳалари билан бирга, айрим ҳудудларнинг чегарасини ўзгартиш масалаларини ҳам муҳокама қилдилар.

Хусусан, мажлисда халқ вакиллари «Сурхондарё вилояти Термиз туманининг чегарасини ўзгартириш, Термиз шаҳрининг чегарасини кенгайтириш ва тасдиқлаш тўғрисида»ги масалани кўриб чиқдилар.

Таъкидлаш жоизки, ушбу лойиҳа Ўзбекистон Республикаси Президенти Шавкат Мирзиёевнинг 2019 йил 17-18 октябрь кунлари Сурхондарё вилоятига ташрифи давомида берилган топшириқларга мувофиқ ишлаб чиқилган. Бундан кўзланган асосий мақсад, тасдиқланган бош режа асосида Термиз шаҳрини ижтимоий-иқтисодий ривожлантириш, истиқболли режаларини белгилаш, аҳолининг уй-жойга бўлган эҳтиёжини қондириш, ҳудуд инфратузилмасини яратиш, шунингдек, янги ҳудудда белгиланган талаблар доирасида ижтимоий соҳа, маиший хизмат кўрсатиш объектлари қурилишини ташкил этиш ҳамда шу орқали янги иш ўринлари яратиш, бюджетга тушумларни кўпрайтиришдан иборатдир.

Назарда тутилаётган ўзгаришларга кўра, Сурхондарё вилояти Термиз тумани ҳудудидаги «Мангузар», «Чегара», «Паттакесар», «Тинчлик», «Алишер Навоий», «Кокилдор ота» маҳалла фуқаролар йиғинлари ҳудудлари тўлиқ, «Нурли диёр» ва «Намуна» маҳалла фуқаролар йиғинлари ҳудудларининг бир қисми (умумий ер майдони 1 561 гектар) Термиз шаҳри таркибига ўтказилади.

Депутатларнинг қайд этишича, бу ўзгаришлар ҳудудда аҳоли учун ижтимоий-маиший қулайликлар яратиш билан бирга, Термиз шаҳар ва Термиз туманини иқтисодий жиҳатдан бошқаришда ҳамда аҳолини ижтимоий қўллаб-қувватлашда муҳим аҳамият касб этади.


Кўришлар сони: 2684

Депутатлар минбари

Янгиликлар

16.09.2021
Болалар омбудсманининг ҳуқуқий мақоми кучайтирилмоқда

Халқаро тажрибага назар ташлайдиган бўлсак, бугунги кунда 20 дан ортиқ ривожланган давлатларда алоҳида...

16.09.2021
Озон қатламини ҳимоя қилиш борасида олиб борилаётган ишлар ҳолати қандай?

Семинарда таъкидланганидек, Ўзбекистон дунё ҳамжамиятининг тўлақонли субъекти сифатида атроф муҳитни...

16.09.2021
Депутат номига сайловчилардан миннатдорчилик хати келди

Олий Мажлис Қонунчилик палатасидаги Ўзбекистон Халқ демократик партияси фракцияси аъзоси Мавжуда...