Cайт ранги: A A


Сайловчилар билан учрашувларнинг ОАВда ёритилиши

Депутат яккабоғлик фермерлар мурожаатини ижобий ҳал этди

Депутат яккабоғлик фермерлар мурожаатини ижобий ҳал этди

Олий Мажлис Қонунчилик палатаси депутатлари қонун лойиҳаларини маромига етказиш, ҳуқуқий ҳужжатларнинг жойлардаги ижросини ўрганиш баробарида, аҳоли мурожаатлари билан ишлаш, мавжуд муаммоларни бартараф этиш чораларини кўришга жиддий эътибор қаратмоқда. Айниқса, ҳозирги мураккаб шароитда сайловчиларни ўйлантираётган масалаларга дахлдорлик ҳисси билан ёндашиш масъулиятли вазифалардандир.

Маълумки, Президентимизнинг шу йил 6 майдаги “Республикада картошка етиштиришни кенгайтириш ва уруғчилигини янада ривожлантириш чора-тадбирлари тўғрисида”ги қарорига мувофиқ, картошкачиликка ихтисослаштириладиган туманларда картошкачилик кластерлари ва кооперациялари ташкил этилиши белгиланди. Шунингдек, 2020 йил 1 майдан бошлаб, уруғлик картошка харид қилиш харажатларини молиялаштириш учун 12 ой муддатгача тижорат кредитлари ажратилиши, 2023 йил 1 июлгача бўлган муддатга четдан олиб кирилаётган уруғлик картошка божхона божидан озод этилиши назарда тутилганди.

Ушбу қарорга кўра, истеъмол ва уруғлик картошка етиштиришга ихтисослаштириладиган туманлар ҳамда ҳудудлар рўйхатига Қашқадарё вилояти Яккабоғ тумани ҳам киритилган.

Яқинда Олий Мажлис Қонунчилик палатаси депутати Шаҳноза Холмахаматова яккабоғлик фермерларнинг ушбу ҳудудда картошка экиш учун шартнома асосида уларга сифатсиз уруғли картошка берилаётгани тўғрисида юборган видеомурожаатини ўрганиб чиқди.

— Мурожаатни атрофлича ўрганиш жараёнида ҳақиқатан ҳам, “Эгоист-аст” МЧЖ томонидан шартнома асосида берилган уруғли картошкалар сифатсизлиги маълум бўлди, — дейди депутат Ш. Холмахаматова. — Бу бўйича мутасадди раҳбарлар билан боғландик. Шундан сўнг, Яккабоғ тумани ҳокими ташаббуси билан фермерларга сифатли уруғли картошкалар етказиб берилди. Халқимиз фаравонлиги учун қабул қилинаётган қарорлар ижросини таминлашда ҳар бир раҳбар виждонан ёндашиши, керак бўлса, улар тадбиркор ва фермерларимизга чин маънода, кўмакчи бўла олиши бугун ҳар қачонгидан-да муҳимдир. Биз, депутатлар ҳам бу йўлда бор куч ва имкониятларимизни ишга соламиз.


Кўришлар сони: 524

Депутатлар минбари

Янгиликлар

26.09.2020
ЎзХДП фракцияси таълим тизимида сифат ва самарадорликни ошириш бўйича таклифлар тайёрлашга киришди

Пандемия билан боғлиқ қийинчиликларни енгиб ўтиш учун таълим тизимида улкан ва масъулиятли ишлар ...

25.09.2020
Қонунчилик палатаси Спикери Н.Исмоилов: Адолатли глобал тизимни яратиш йўлида муҳим ташаббуслар

Парламентлар анъанавий қонун ижодкорлиги, вакиллик ва назорат функцияларидан ташқари ташқи сиёсат ва...

25.09.2020
Шуҳрат Ғаниев номзоди Бош вазир ўринбосари лавозимига маъқулланди

2020 йил 25 сентябрь куни Олий Мажлис Қонунчилик палатасининг навбатдаги мажлиси бўлиб ўтди. Унда...