Cайт ранги: A A


Сайловчилар билан учрашувларнинг ОАВда ёритилиши

Ижро қоғозда эмас, амалда бўлса, халқ ишончи қозонилади

Ижро қоғозда эмас, амалда бўлса,  халқ ишончи қозонилади

Термиз шаҳрида Ўзбекистон “Адолат” СДП фракцияси депутатлари иштирокида халқ депутатлари вилоят, шаҳар ва туман Кенгашлари депутатлари иштирокида учрашув бўлиб ўтди. Учрашувнинг мақсади мамлакатимизнинг ривожланишида маҳаллий депутатларнинг тутган ўрни ва уларнинг келгусидаги фаолият ҳамда мақсадли вазифаларини белгилашга қаратилди.

Тадбирда дастлаб, Президентимизнинг парламентга Мурожаатномаси унинг мазмун-моҳияти хусусида фикр юритилиб, кейинги беш йилликда партия ва депутатлар олдида турган устувор вазифалар муҳокама этилди.


Учрашувда Олий Мажлис Қонунчилик палатаси Спикерининг ўринбосари, Ўзбекистон “Адолат” СДП фракцияси раҳбари Наримон Умаров маъруза билан иштирок этиб, Президентимизнинг жорий йилда парламентга Мурожаатномасида мамлакатимизда илм-фанни янада равнақ топтириш, ёшларимизни чуқур билим, юксак маънавият ва маданият эгаси этиб тарбиялаш, рақобатбардош иқтисодиётни шакллантириш борасида бошланган ислоҳотларни жадал давом эттириш ва янги, замонавий босқичга кўтариш мақсади мужассам эканига алоҳида тўхталди. 2020 йилга “Илм, маърифат ва рақамли иқтисодиётни ривожлантириш йили” деб ном берилиши муносабати билан парламент ҳамда ҳукумат олдига бир қатор муҳим вазифалар қўйилгани алоҳида аҳамият қаратилди.

Таъкидланганидек, бугунги кунда барча даражадаги депутатларнинг мақсади Мурожаатномада белгиланган вазифалар, партия ғоялари ҳамда “Йўл харитаси” ижросини қоғозда эмас, амалда бажариб, шу орқали халқнинг партияга, депутатларга бўлган ишончини янада оширишдир.

— Мурожаатномада ҳеч бир соҳа эътибордан четда қолмаган, — деди Олий Мажлис Қонунчилик палатаси Спикерининг ўринбосари Наримон Умаров — Президентимиз таклиф ва тавсиялари асосида барча жабҳада амалга ошириладиган ислоҳотлар, ўзгаришлар, аввало, сизу бизнинг бахтли яшашимиз, Ватанимизнинг гуллаб-яшнашига қаратилган. Шу боис, юртимизда амалга ошириладиган ислоҳотлар жараёнида фуқаролар томошабин эмас, балки барча фаол иштирокчи сифатида қатнашиши лозим.


Йиғилишда депутатлар олдида турган устувор вазифалар, партия вилоят кенгаши партия ташкилотлари билан депутатлар ҳамжиҳатлигини таъминлаш, аҳолининг турли қатламлари орасида партия ғояси, мақсад ва вазифалари тарғиботига қаратилган тадбирларни кучайтириш, партия хайрихоҳлари сафини ошириш, аҳоли муаммоларини ўрганиш, ечим излаш, бартараф этиш чораларини кўриш каби муҳим масалалар ҳам атрофлича муҳокама этилди.

Учрашув чоғида депутатларнинг парламент, партиялар ва халқ олдида олиб борадиган давомли ишлари, уларнинг сифат кўрсаткичи, аҳоли мурожаатлари бўйича ишлаш, уларни ҳал этишнинг самарали йўллари ҳақида фикр юритилди.


Кўришлар сони: 412

Депутатлар минбари

Янгиликлар

30.05.2020
Ривожланишимизга нималар тўсиқ бўляпти?

Тадбиркорлар бугунги пандемия шароитида қандай фаолият кўрсатмоқда? Ҳукуматимиз томонидан кичик бизн...

29.05.2020
Глобал ҳамкорлик ва волонтёрлик ҳаракати

Бирлашган Миллатлар Ташкилотининг 75 йиллиги муносабати билан бутун дунёда эълон қилинган “БМТ-75”...

29.05.2020
Олий Мажлисда парламентлараро ҳамкорлик гуруҳлари шаклланмоқда

Ўзбекистон Республикаси Олий Мажлиси палаталарида хорижий парламентлар  билан ҳамкорлик гуруҳл...