Cайт ранги: A A


Сайловчилар билан учрашувларнинг ОАВда ёритилиши

Учрашувлардан аҳоли мамнун

Аввал хабар берганимиздек, шу кунларда халқ вакиллари ўз сайлов округларида бўлиб, аҳоли билан учрашувлар ўтказмоқда. Хусусан, Олий Мажлис Қонунчилик палатаси депутати Элдор Туляков ҳам Чирчиқ шаҳрида ўз сайловчилари билан учрашувлар ўтказди.

Чирчиқ шаҳридаги 2-сонли оилавий поликлиника жамоаси билан юзма-юз мулоқотда аҳоли саломатлигини сақлаш, бу борада янги, илғор технологияларни жорий қилиш орқали сифатли ва самарали тиббий хизмат кўрсатиш имкониятларини кенгайтириш, малакали мутахассислар тайёрлаш, тиббий маданият ва соғлом турмуш тарзини юксалтириш масалалари қамраб олинди. Ушбу тиббий муассасада ечимини кутаётган, ҳал этилиши лозим бўлган айрим муаммо ва камчиликлар депутат назоратига олинди.

Шаҳардаги 12-сонли Меҳрибонлик уйига ташриф чинакам тантанага айланиб кетди. Бу масканга депутат билан бир вақтда Чирчиқ олий танк қўмондонлик-муҳандислик билим юрти ҳарбийлари ҳам болажонлар ҳузурига ҳарбий кўргазмали техник воситалар билан келиб, Президентимиз илгари сурган бешта ташаббуснинг мазмун-моҳиятига бағишланган тадбир уюштиришди.

Тадбирда Э. Туляков бугунги кунда мамлакатимизда изчил амалга оширилаётган ёшларга оид давлат сиёсатининг амалий натижалари, давлатимиз раҳбарининг ёш авлодга кўрсатаётган беқиёс ғамхўрлиги ва эътибори, фарзандларимизнинг ҳар томонлама етук, билимли ва иқтидорли, юксак интеллектуал салоҳиятли, мард, фидойи, комил, Ватанга содиқ, маънавияти юксак инсонлар сифатида улғайишлари учун барча шарт-шароитлар ва қулайликлар муҳайё этилганига урғу берди. Президентимиз томонидан ёшларнинг илм-фан сирларини чуқур эгаллашлари, уларнинг кенг дунёқараш ва теран тафаккур эгаларига айланишлари, жисмонан соғлом бўлишларига оид илгари сурилган бешта ташаббус барча ҳудудларда, жумладан мазкур масканда ҳам ўзининг амалий ифодасини топаётганини депутат алоҳида эътироф этди.

Учрашувларда кўтарилган муаммолар, билдирилган таклифлар депутат назоратига олинди ва уларнинг ҳал этилиши юзасидан келгуси учрашувларда ахборот берилиши таъкидланди.

 

 


Кўришлар сони: 504

Депутатлар минбари

Янгиликлар

17.08.2019
Парламентда ахборот тарқатиш соҳасига оид қонун ҳужжатларининг ҳолати муҳокама қилиниши ражалаштирилмоқда

2019 йил 17 август куни Олий Мажлис Қонунчилик палатасининг навбатдаги мажлиси бўлиб ўтди. ...

16.08.2019
Атроф табиий муҳит мониторинги ишлари 390 та саноат корхоналарида олиб борилди

Атроф-муҳитни муҳофаза қилишга мақсадли йўналтирилган чора-тадбирларнинг амалга оширилиши натижасида...

16.08.2019
Қизириқлик тадбиркор ва фермерлар бу йил қандай натижаларни қўлга киритди?

Ҳар йили юртимизда мустақиллик куни ўзгача шодиёна билан нишонланади. Анъанага кўра, байрам олдидан...