Cайт ранги: A A


Сайловчилар билан учрашувларнинг ОАВда ёритилиши

“Йўл харитаси”нинг ижроси назоратга олинадиган бўлди

“Йўл харитаси”нинг ижроси назоратга олинадиган бўлди

Айни кунларда Олий Мажлис Қонунчилик палатаси депутатлари ҳудудларда бўлиб, аҳоли билан юзма-юз мулоқотлар қилмоқда. Хусусан, парламент қуйи палатаси депутати Даврон Арипов Бекобод шаҳрида бўлиб, Ўзбекистон Республикаси Президентининг мамлакатимиз ҳудудларига ташрифи давомида берилган топшириқлардан келиб чиққан ҳолда ишлаб чиқилган “Йўл хариталари”да белгиланган вазифаларнинг ижросини таъминлаш борасида амалга оширилаётган ишлар билан яқиндан танишмоқда.

Даставвал, депутат ҳудуддаги “Саҳоват” қариялар уйига бориб, у ердаги мавжуд шароит, пенсия таъминоти ва ижтимоий нафақалар тўланиши, овқатланиш сифати ҳамда қариялар уйи фаолиятининг ҳолати билан танишди. Мазкур муассасада умргузаронлик қилаётган Валентина Писенко, кекса отахонлар Шокир Валиев, Сервер Сулеймановлар билан дилдан суҳбатлашганда депутатга уларга яратилган шароитдан мамнун эканликларини, юзага келган муаммолар ўз вақтида бартараф этиб келинаётганидан хурсанд эканликларини билдирдилар.

Д. Арипов шаҳардаги “Пахтакор” ва “Янги ҳаёт” маҳалла фуқаролар йиғинларида бўлиб, бир гуруҳ фуқаролар билан учрашди ва уларнинг муаммолари билан қизиқди. Шаҳар чеккасида жойлашган “Янги ҳаёт” маҳалласида қурилаётган 18-умумий ўрта таълим мактабига бориб, у ердаги ишлар билан танишди. Шундан сўнг, депутат Бекобод шаҳар тиббиёт бирлашмаси фаолиятини ўрганди. Мазкур жараёнда бир қатор муаммолар анқиланди. Хусусан, тез тиббий ёрдам ходими Абдумалик Кенжаев “Тез тиббий ёрдам машина”ларининг жуда эскириб қолганлиги, тез-тез бузилиб қолаётганлиги, мурожаат этган беморларга Бекобод туманининг “Тақачи”, А.Қаҳҳор номидаги маҳаллаларига етиб боришда қийинчиликларга дуч келаётганлиги хақида мурожаат этди. Депутат бу масалада шаҳар тиббиёт бирлашмаси раҳбаридан аниқ маълумотлар олиб, мазкур масалада Республика Соғлиқни сақлаш вазирлигига мурожаат қилишини маълум қилди. Бекобод шаҳар “Сайҳун” маҳалласи раиси А.Матмусаев маҳалланинг “Соҳил”, “Ёрқин”, Низомий кўчаларига ичимлик суви келтириш масаласида амалий ёрдам сўраб мурожаат этди. Сабаби, бир неча йиллардан буён ҳал этилмай келаётган масала эканлигини, фуқаролар сувни ариқлардан истеъмол қилиб келиши оқибатида турли касалликларга чалиниб қолаётганлигини айтиб шикоят қилди. Депутат мазкур масаланинг шаҳар “Йўл харитаси”га киритилганлиги сабабли унинг ижросини назорат қилиб боришини маълум қилди.

Тараққиёт тезлашгани сайин, жамиятда одамларнинг турмуш маданиятига, кундалик эҳтиёжларга талаби ҳам ошиб бораверади. Бу жараёнларда, албатта, муаммолар туғилиши табиий. Аммо бугунги олиб борилаётган ислоҳотлар, қабул қилинаётган ҳуқуқий меъёрий ҳужжатларнинг ижроси ўз вақтида таъминланса, жойлардаги раҳбарлар, мутасаддилар халқ манфаатларини кўзлаб иш юритса, ҳар қандай камчилик бартараф этилиб, мавжуд муаммолар ўз ечимини топади. Депутатлар эса ана шу жараёнларда холис кўмак берувчи, одилона ёндашувчи халқ фидойиларидир.


Кўришлар сони: 122

Депутатлар минбари

Янгиликлар

18.06.2019
Коммунал хизматлар сифатини яхшилашга эришиш парламент назоратида

2019 йил 18 июнда Олий Мажлис Қонунчилик палатасида Саноат, қурилиш ва савдо масалалари қўмитаси...

18.06.2019
Сув объектларини бошқаришда он-лайн ахборот тизими кенг жорий этилади

Жорий йилнинг 18 июнь куни Олий Мажлис Қонунчилик палатасининг Аграр ва сув хўжалиги масалалари қў...

18.06.2019
Жисмоний тарбия ва спорт вазири ахборот берди

2019 йил 18 июнь куни Олий Мажлис Қонунчилик палатасининг Фан, таълим, маданият ва спорт масалалари ...