Cайт ранги: A A


Сайловчилар билан учрашувларнинг ОАВда ёритилиши

Тиббий ускуналар бор, лекин...

Олий Мажлис Қонунчилик палатаси депутати Тўлқинжон Каримов сайловчилар билан учрашув мобайнида ижтимоий объектларда ҳам бўлиб, бу ерда юртдошларимизга яратилган шароит ва имкониятларни ўрганмоқда. Жумладан, вилоят болалар кўп тармоқли тиббиёт марказида бўлиб, беморлар билан суҳбатлашди.

— Муаммо йўқ эмас, — дейди депутат. — Масалан, марказ гарчи 530 ўринга мўлжалланган бўлса-да, ҳозирда 600 нафардан зиёд беморлар даволанмоқда. Юрак ҳамда пластик жарроҳлик амалиётлари республикамиз пойтахтида амалга оширилади. Аксарият бошқа жарроҳлик амалиётларини бажариш учун Андижон тиббиёт институти клиникасидан фойдаланишга тўғри келмоқда. Гарчи, марказ зарур тиббий жиҳозлар билан таъминланган бўлса-да, улардан фойдаланиш учун мослашган бинога эга эмас. Мутахассислар билан ушбу ҳолатни ўрганиб амин бўлдимки, марказ ҳудудида 4 қаватли қўшимча бино қуриш зарур бўлади. Бунинг учун  21 миллиард сўм маблағ керак. Агар шу масала ижобий хал бўладиган бўлса шундоқ ҳам бемор болаларни овора қилишга ҳожат қолмайди.

Шунингдек, депутат сайловчиларнинг юзлаб мурожаатларини ўрганишда давом этмоқда. Ана шулардан бири Андижон шаҳридаги 5-кичик даҳада истиқомат қилувчи Замирахон Қодирова томонидан йўлланди. Соғлиғидан айрилган она оёғидан ажраган 21 ёшли ўғлига ҳам ғамхўрлик қилиш билан банд.

— Фарзандимни даволатиш учун яшаб турган уйимни сотишимга тўғри келган, — дейди у. — Асосий дард ортда қолди. Бироқ, фарзандларим, набираларим билан  ижара уйда яшашимга тўғри келяпти. Шу боис депутатга мурожаат қилиб, имкон бўлса, уй-жой ва моддий ёрдам билан таъминланиш масаласида ёрдам сўрадим.

Албатта, бу масалаларнинг қай даражада амалга оширилишини вақт кўрсатади. 

Парламент аъзоларининг сайловчилар билан учрашувлари давом этмоқда.

 

Саминжон ҲУСАНОВ


Кўришлар сони: 794

Депутатлар минбари

Янгиликлар

23.10.2019
Юридик шахслар томонидан атом энергиясидан фойдаланиш соҳасида олиб бориладиган фаолият лицензияланади

Маълумки, “Атом энергиясидан тинчлик мақсадларида фойдаланиш тўғрисида”ги қонуннинг 20-моддасига...

23.10.2019
Қишлоқ хўжалиги маҳсулотларини экспорт қилиш тартиб-таомиллари соддалаштирилади

 

Мамлакатимизнинг экспорт салоҳиятини ошириш, экспорт қилиш тартиб-таомилларини соддалаштириш...

23.10.2019
Акмал БУРҲОНОВ: Депутатлар ўрганган муаммолар ҳукумат ва тиббиёт соҳаси масъуллари учун ўгайми?

Табиий савол туғилади: депутатлар ўрганган муаммолар Ҳукумат ва тиббиёт соҳаси масъуллари учун ўгайм...