Cайт ранги: A A


Сайловчилар билан учрашувларнинг ОАВда ёритилиши

Муаммо ўз ечимини топадиган бўлди(ми?)

Муаммо ўз ечимини топадиган бўлди(ми?)

Олий Мажлис Қонунчилик палатаси депутати Ёрмамат Холиёров ўзи сайланган сайлов округидаги ҳудудларда ўтказган ўрганишлари жараёнларида аҳоли билан юзма-юз мулоқотлар қилмоқда. Ушбу жараёнларда депутат ҳар бир соҳада амалга оширилаётган ишларни обдон ўрганиб, таҳлил қилмоқда. Халқ вакили Сурхондарё вилоятининг Шўрчи туманидаги тиббиёт муассасалари ва ижтимоий-иқтисодий объектларнинг фаолияти билан яқиндан танишди. Хусусан, тумандаги юқумли касалликлар шифохонаси ҳолати ҳамда мазкур муассаса томонидан кўрсатилаётган тиббий хизматлар депутатнинг диққат марказида бўлди.

Ўрганишда маълум бўлдики, шифохонадаги ҳаво-томчи касалликлари бўлимида алоҳида ёпиқ ҳимояланган сув сақланадиган идишлар, сантехника воситалари — душ, ванна, ювиниш хоналари етишмайди. Бундан ташқари, суҳбат жараёнида тиббиёт ходимлари етишмаслиги ҳам аниқланди.

Депутат мазкур муаммони ўрганиб, тегишли ташкилот мутасаддиларига депутатлик сўрови юборишни билдирди.

Ё.Холиёров ўрганишларни Олтинсой туманида ҳам давом эттирди. Аҳоли билан мулоқот жараёнида тумандаги “Карсаган” маҳалла фуқаролар йиғини фаоллари маҳалла аҳлини қийнаётган муаммолардан бири — ёз ойларида сув таъминотининг узилиб қолиши, натижада одамларнинг томорқадан фойдаланишида қатор қийинчиликларни келтириб чиқараётгани маълум бўлди.

Депутат ҳақиқий ҳолатни ўрганиб чиқди ва маҳалла фаоллари билан бирга муаммони ҳал қилишга киришди.


Кўришлар сони: 325

Депутатлар минбари

Янгиликлар

25.06.2019
Ногиронликни белгилашда фуқаролар сарсон бўляптими?

Жорий йил 25 июнь куни Олий Мажлис Қонунчилик палатасининг Меҳнат ва ижтимоий масалалар қўмитаси ...

25.06.2019
Фракция йиғилишида 2019-2025 йилларда соғлиқни сақлаш тизимини ривожлантириш концепцияси доирасидаги ишлар таҳлил қилинди

Соғлиқни сақлаш вазирлигига мазкур йўналишда алоҳида тартиб жорий қилиш мақсадида тегишли норматив-ҳуқуқий...

25.06.2019
Институт фаолиятида “Ахборотлаштириш тўғрисида”ги Қонун ижроси қандай таъминланяпти?

2019 йил 25 июнь куни Олий Мажлис Қонунчилик палатасининг Инновацион ривожланиш, ахборот сиёсати...