Cайт ранги: A A


Сайловчилар билан учрашувларнинг ОАВда ёритилиши

Гулистонда энг замонавий, намунали поликлиника қуриладиган бўлди

Гулистонда энг замонавий, намунали поликлиника қуриладиган бўлди

Аввал хабар берганимиздек, шу кунларда Олий Мажлис Қонунчилик палатаси Спикери раҳбарлигидаги депутатлар, тегишли соҳа вакилларидан иборат ишчи гуруҳ Сирдарё вилоятида бўлиб, ҳудудда соғлиқни сақлаш соҳасида аниқланган муаммоларни бартараф этиш, аҳолига сифатли тиббий хизмат кўрсатиш, соғлиқни сақлаш муассасаларининг моддий-техника базасини янада мустаҳкамлаш ишларига амалий ёрдам кўрсатмоқда.

Мазкур жараёнларда депутатлар Гулистон шаҳри ва Боёвут туманидаги кўп тармоқли марказий поликлиника, қишлоқ оилавий поликлиникалар, оилавий поликлиникалар, улардаги патронаж хизматининг самарадорлигини ошириш натижасида аҳолига кўрсатилаётган тиббий-санитария ёрдами сифатини оширишга алоҳида эътибор қаратмоқда.

Депутатларнинг Гулистон шаҳридаги ўрганишлари жараёнида тиббиёт муассасаларининг дислокацияси нотўғри ташкил этилгани аниқланди. Бу, ўз навбатида, аҳолига ноқулайликлар келтираётган эди. Халқ вакиллари муаммони атрофлича ўрганиб чиққач, Гулистон шаҳрининг “Баҳор” маҳалла фуқаролар йиғинида барча қулайликларга эга энг замонавий поликлиника қуриладиган бўлди.

Шунингдек, Тошкент шаҳридаги тиббиёт марказларидан жалб қилинган малакали шифокорлар томонидан оғир ва мураккаб жарроҳлик амалиётлари ўтказилмоқда. Боёвут туманининг чекка ҳудудларида ҳам тиббий кўриклар ташкил этиляпти.

Депутатлар аҳолига сифатли ва тезкор тиббий хизмат кўрсатишни янада жонлантириш мақсадида соҳага замонавий ахборот-коммуникация технологияларни жорий қилиш ишларига ҳам жиддий эътибор қаратмоқда. Ушбу ҳудудларда жойлашган барча тиббиёт муассасаларига юқори интернет тезлигини таъминлаб берувчи шиша толали алоқа кабеллари ётқизилмоқда. Хусусан, Гулистон шаҳридаги барча оилавий поликлиникаларга ва Боёвут тумани кўп тармоқли марказий поликлиникасига шиша толали кабел ётқизилиб, “Электрон поликлиника” автоматлаштирилган ахборот тизими ва корпоратив тармоқ ишга туширилди.

Ҳудудлардаги бундай кўламдор ишлар қизғин давом этмоқда.

 

Ўзбекистон Республикаси Олий Мажлиси

Қонунчилик палатаси Матбуот хизмати


Кўришлар сони: 901

Депутатлар минбари

Янгиликлар

15.10.2019
Мактабгача таълим тизимига хусусий секторни фаол жалб қилиш қандай натижа беради?

Мутахассисларнинг фикрича, инсон ўз умри давомида оладиган барча ахборот ва маълумотнинг 70 фоизини...

15.10.2019
“Ташқи меҳнат миграцияси тўғрисида”ги қонун қабул қилиш таклифи билдирилди

2019 йил 15 октябрь куни Ўзбекистон “Миллий тикланиш” демократик партиясининг Олий Мажлис Қонунчилик...

15.10.2019
Нега баъзи депутатлар шифокорларни тажовуздан ҳимояловчи қонун лойиҳасига қарши?

Кейинги пайтларда кўпайиб бораётган ҳолатлар, яъни, ўз хизмат вазифасини бажараётган шифокорларни ...