Cайт ранги: A A


Сайловчилар билан учрашувларнинг ОАВда ёритилиши

Аниқланган камчилик 3 кун ичида ўз ечимини топади

Аниқланган камчилик 3 кун ичида ўз ечимини топади

Олий Мажлис Қонунчилик палатаси депутатларининг ҳудудларда аҳоли билан навбатдаги очиқ мулоқотлари ўтказилмоқда. Жумладан, парламент қуйи палатасидаги Ўзбекистон “Адолат” СДП фракцияси аъзолари ҳам ўз сайлов округларида сайловчилар билан учрашиб, фуқароларнинг турмуш шароитларини ўрганмоқда, аниқланган муаммоларга ечим топиш чоралари кўрилмоқда.

Қонунчилик палатаси депутати Мақсуд Қурбонбоев Урганч туманидаги “Мунис Хоразмий” маҳалласида жойлашган 5-сонли мактабгача таълим муассасасида бўлиб, мавжуд муаммоларни ўрганди. Ушбу боғча биноси янги таъмирдан чиққанлигига қарамай, том қисмида захланган жойлар борлиги, электр энергияси тармоқлари белгиланган тартибда ўтказилмагани маълум бўлди. М.Қурбонбоев шу жойнинг ўзида туман молия бўлими раҳбари билан боғланди ва камчилик 3 кун ичида бартараф қилинадиган бўлди.

Шунингдек, “Мунис Хоразмий” маҳалласида жойлашган 11-, 46-умумтаълим мактаби ўқитувчилари 12 километр узоқликдаги “Гулистон” фермер хўжалигидан 11-умумтаълим мактабига 50 нафар, 46-умумтаълим мактабига 17 нафар ўқувчи қатнаб ўқиётганини айтишди. М.Қурбонбоев “Гулистон” фермер хўжалиги билан мактаблар орасида автобус қатнови йўлга қўйилиши масаласида тегишли ташкилотга депутатлик сўрови киритишни қайд қилди.

Тумандаги “Комилжон Отаниёзов” маҳалласида ташкил этилган мулоқотда ҳудуддаги 31-умумтаълим мактаби олдида 1,5 километрлик йўлнинг умуман яроқсиз ҳолга келиб қолганидан шикоят қилишди. Депутат М.Қурбонбоев мутасадди ташкилотлар вакиллари билан боғлангач, мазкур муаммо жорий йилнинг 1 майига қадар бартараф этиладиган бўлди.

Шунингдек, Мақсуд Қурбонбоев Қўшкўпир туманидаги 1-умумтаълим мактабида бўлиб, ўзи сабоқ олган таълим маскани кутубхонасига китоблар туҳфа этди. Шу билан бирга, синф хоналаридаги доскаларни янгилаш, спорт залини таъмирлаш зарурлиги юзасидан туман ҳокимига мурожаат қилди.

Бир сўз билан айтганда, депутатлар очиқ мулоқотларда аниқланган муаммоларни масъул ташкилот ва муассасалар билан ҳамкорликда бартараф этиш чораларини кўришмоқда.

Депутатларнинг сайлов округларидаги фаолиятлари давом этмоқда.


Кўришлар сони: 1022

Депутатлар минбари

Янгиликлар

20.07.2019
Миллатлараро тотувлик ва диний бағрикенглик — демократик жамиятнинг асосий тамойилларидан бири

Пойтахтимиздаги Корейс маданияти ва санъати уйида Олий Мажлис Қонунчилик палатаси Халқаро ишлар ...

19.07.2019
ЎзХДП фракцияси фаолияти юзасидан ахборот берди

Қонунчилик палатасига киритилган қонун лойиҳалари бўйича фракциянинг 134 та таклифи ишлаб чиқилиб, ...

18.07.2019
Депутатлар автомобиль ойналарини қорайтириш масаласини қандай ҳал қилмоқчи?

“Адолат” СДП фракцияси депутатларига халқимиз томонидан ҳайдовчи ва йўловчиларни ёзнинг жазирама...