Cайт ранги: A A


Сайловчилар билан учрашувларнинг ОАВда ёритилиши

Бирига — ногиронлик аравачаси, иккинчисига — ордер

Бирига — ногиронлик аравачаси, иккинчисига — ордер

Аввал хабар қилганимиздек, айни кунларда Олий Мажлис Қонунчилик палатаси депутатлари, Соғлиқни сақлаш вазирлиги мутасаддилари, республика ихтисослаштирилган илмий-амалий тиббиёт марказлари мутахассисларидан таркиб топган Республика ишчи гуруҳининг Тошкент вилоятида ўрганиш олиб бормоқда.

Мазкур жараёнларда аҳолига кўрсатилаётган тиббий хизматнинг сифати ва самарадорлигини ошириш, тиббиёт муассасаларининг моддий-техника базасини янада мустаҳкамлаш борасида олиб борилаётган ишлар атрофлича таҳлил қилинмоқда.

Шунингдек, қишлоқ врачлик пунктлари (ҚВП), қишлоқ оилавий поликлиника (ҚОП)лар мудирларининг ўзлари хизмат кўрсатаётган ҳудуд аҳолисига ҳисобот бериши намунавий ташкил этилмоқда. Хусусан,Тошкент вилояти Юқори Чирчиқ туманидаги Саксонота қишлоқ врачлик пункти (ҚВП) мудири Гулнора Эгамбердиева маҳалла аҳлига батафсил ҳисобот берди. Таъкидланганидек, ҚВПда тўрт нафар умумий амалиёт шифокори ҳудуддаги учта маҳалланинг қарийб ўн бир минг аҳолисига хизмат кўрсатади. Шунингдек, шифокор ва ҳамшираларнинг навбатчилик асосида соат 20-00 гача ишлаши йўлга қўйилган.

Тадбирда фуқаролар мудирга савол ва таклифлар билан мурожаат этди. Хусусан, аҳолининг гепатит А га қарши эмлаш нархини қисман арзонлаштириш, ҳудудда алоҳида болалар поликлиникасини очиш юзасидан билдирилган фикр-мулоҳаза ва таклифлари Республика ишчи гуруҳи аъзоларининг ҳам эътиборини тортди.  

Ишчи гуруҳи аъзолари ўрганиш жараёнларида фуқаролар билан юзма-юз мулоқотлар қилиш асносида уларни ўйлантираётган муаммоларга ечим топилиб, амалий кўмак ҳам кўрсатиляпти. Масалан, Юқори Чирчиқ туманидаги “Шижоат” маҳалла фуқаролар йиғинида яшовчи, болаликдан ногирон Элбек Файзуллаевга ногиронлик аравачаси берилди. Бронхоэктотит билан оғриб, ҳалигача ногиронлиги белгиланмаган Бахтибой Тўйчиевга эса, вилоят шифохонасида даволаниш учун ордер олиб берилди.

Ўрганиш ишлари давом этмоқда.


Кўришлар сони: 536

Депутатлар минбари

Янгиликлар

25.06.2019
Ногиронликни белгилашда фуқаролар сарсон бўляптими?

Жорий йил 25 июнь куни Олий Мажлис Қонунчилик палатасининг Меҳнат ва ижтимоий масалалар қўмитаси ...

25.06.2019
Фракция йиғилишида 2019-2025 йилларда соғлиқни сақлаш тизимини ривожлантириш концепцияси доирасидаги ишлар таҳлил қилинди

Соғлиқни сақлаш вазирлигига мазкур йўналишда алоҳида тартиб жорий қилиш мақсадида тегишли норматив-ҳуқуқий...

25.06.2019
Институт фаолиятида “Ахборотлаштириш тўғрисида”ги Қонун ижроси қандай таъминланяпти?

2019 йил 25 июнь куни Олий Мажлис Қонунчилик палатасининг Инновацион ривожланиш, ахборот сиёсати...