Cайт ранги: A A


Сайловчилар билан учрашувларнинг ОАВда ёритилиши

40 ХОДИМДАН 5 НАФАРИ ИШДА...

40 ХОДИМДАН 5 НАФАРИ ИШДА...

Аввал хабар берганимиздек, шу кунларда Олий Мажлис Қонунчилик палатаси депутатлари иштирокидаги республика ишчи гуруҳи ҳудудларда бўлиб, тиббиёт соҳасидаги аҳволни ўрганиш, мавжуд муаммоларни таҳлил қилиш ва уларни жойида бартараф этиш масаласига алоҳида эътибор қаратмоқда. Амалий ишларга бой бўлган мана шундай ўрганишлар Навоий вилоятида ҳам қизғин ўтмоқда.

Мамлакатимизда соғлиқни сақлаш соҳасида амалга оширилаётган ислоҳотлар чекка-чекка ҳудудларга ҳам етиб боряпти. Бироқ, амалиётда ҳамма ерда ҳам аҳвол бир хилда эмаслиги намоён бўлмоқда. Масалан, ишчи гуруҳи аъзолари Конимех туман санитария-эпидемиология хизмати бўлими фаолияти билан яқиндан танишди. Ўрганишлар жараёнида мазкур муассасанинг фаолиятидаги камчиликлар яққол кўзга ташланди.

– Ўрганиш жараёнида Конимех туман санитария-эпидемиология хизмати бўлими раҳбари ва унинг ўринбосарини топишнинг иложи бўлмади, – дейди Олий Мажлис Қонунчилик палатаси депутати Жамшид Пирматов. –   Мазкур муассасада 40 дан ортиқ ходим ишлайди. Аммо муассаса фаолияти билан танишиш чоғида ходимлардан бор-йўғи беш нафарини иш жойида учратдик. Муассасадаги тозалик ишлари умуман талабга жавоб бермайди. Вакцина сақлаш қоидалари рисоладагидек эмас. Бу каби омиллар, албатта, муассасанинг қандай фаолият кўрсатаётганидан далолатдир.

Кейинги манзил Конимех тумани Зафаробод қўрғонидаги 35-сонли қишлоқ оилавий поликлиникаси бўлди. Ўрганиш жараёнида ўз ечимини кутаётган бир қатор камчиликлар аниқланди.


Бугунги кунда 5600 дан ортиқ фуқарога тиббий хизмат кўрсатиб келаётган мазкур муассасада педиатрия ва терапевт врачлар етишмайди. Поликлиника биноси таъмирталаб. Туман тиббиёт бирлашмаси раҳбари берган маълумотга кўра, мазкур тиббиёт муассасасини таъмирлаш бўйича вилоят ва туман ҳокимлигига бир неча бор мурожаат қилинган. Аммо амалий ишлардан ҳалигача дарак йўқ.

Ишчи гуруҳи аъзолари томонидан аниқланган бу каби муаммолар халқ депутатлари Навоий вилоят сессияси ишида кўриладиган бўлди.


Кўришлар сони: 1165

Депутатлар минбари

Янгиликлар

16.10.2019
Тилга эътибор парламентдан бошланмоғи лозим

Олий Мажлис Қонунчилик палатаси Девонида турли соҳа мутахассислари билан тажриба алмашиш ва малака...

16.10.2019
Парламентлараро Иттифоқ Ассамблеяси сессиясида “Ўзбекистонда ёшларга оид давлат сиёсати” мавзусида тақдимот ўтказилди

Аввал хабар берганимиздек, парламентимиз аъзоларидан иборат Ўзбекистон делегацияси Сербия пойтахти...

15.10.2019
Мактабгача таълим тизимига хусусий секторни фаол жалб қилиш қандай натижа беради?

Мутахассисларнинг фикрича, инсон ўз умри давомида оладиган барча ахборот ва маълумотнинг 70 фоизини...