Cайт ранги: A A


Сайловчилар билан учрашувларнинг ОАВда ёритилиши

Одамларни рози қилсак, ишимизда ривож ва барака бўлади

Одамларни рози қилсак, ишимизда ривож ва барака бўлади

Жойлардаги ижтимоий-иқтисодий аҳвол ва одамларни қийнаб келаётган масалалар юзасидан республика ишчи гуруҳи томонидан Қарши туманида олиб борилган ўрганиш натижаси халқ депутатлари туман Кенгашининг сессиясида муҳокама қилинди.

Тадбирда Республика ишчи гуруҳи аъзолари, Олий Мажлис Қонунчилик палатаси депутатлари ва Сенат аъзолари, маҳаллий Кенгаш депутатлари, вилоят, туман, корхона, ташкилот, муассасалар раҳбарлари ҳамда оммавий ахборот воситалари вакиллари қатнашди.

Таъкидланганидек, ишчи гуруҳ аъзолари кўплаб хонадон, маҳалла фуқаролар йиғинлари, шунингдек, давлат идоралари ва ижтимоий соҳа объектларида бўлиб, мавжуд муаммолар билан қизиқди, одамларнинг яшаш шароитлари билан танишди.

Ўрганишлар давомида туманда қарийб 6061 та муаммо мавжудлиги аниқланиб, уларнинг 2000 таси ўз жойида ҳал этилган.

Хусусан, туман аҳолисини кўпроқ электр энергияси, суюлтирилган газ, йўл қурилиши, бандлик, соғлиқни сақлаш, банк-кредит соҳалари билан боғлиқ муаммолар ўйлантирмоқда. Масалан, тумандаги Қоратепа қишлоқ фуқаролар йиғинининг Файзобод қишлоғида яшовчи фуқаролари А.Пирназаров ва Ш.Омонов тегишли идора раҳбарларига табиий газ билан таъминлаш масаласида бир неча бор мурожаат қилишган. Афсуски, уларнинг масаласига ҳанузгача ҳал этилмасдан, пайсалга солиб келинмоқда эди.

Сессияда кўрилган яна бир муҳим масала туман аҳлини иш билан таъминлашдир. Ўтган йили аҳоли бандлигига кўмаклашиш давлат дастурига мувофиқ, туманда 2033 та иш ўрни яратилган. Жорий йилги дастурга кўра эса, 5503 та янги иш ўрни ташкил этиш режалаштирилмоқда.

Йиғилишда кўп қаватли уйларни таъмирлаш юзасидан белгиланган дастурни амалга оширишда ҳам оқсоқликка йўл қўйилгани танқид қилинди. Масалан, 2018 йилда кўп қаватли уйларни таъмирлаш юзасидан белгиланган 1 миллиард 513 миллион сўм ўрнига, 974 миллион сўмлик иш бажарилган. Белгиланган йиллик режа бор-йўғи 64 фоизга адо этилган, холос.

Сессияда тумандаги тўртта сектор раҳбарига ичимлик сув, иссиқлик таъминоти ва канализация хизматларини яхшилаш, кўп қаватли уйларни куз-қиш мавсумига тайёрлаш ишларини белгиланган муддатларда, сифатли бажарилишини таъминлаш юзасидан зарур топшириқлар берилди.

Шунингдек, сессияда тумандаги Мевазор маҳалласида сув оқова тармоқлари йўқлигини инобатга олиб, 9,7 километр канализация тизимини қуриш юзасидан вазифалар белгиланди.

Сессияда ҳар бир масъул идора ҳамда ташкилот раҳбари ўз олдига қўйилган вазифаларни сидқидилдан, чуқур ҳис этиб, одамларни рози қилиш учун барча чора-тадбирларни кўриши зарурлиги таъкидланди.

Масъул ташкилот ва тузилмаларнинг ишлар самарадорлигини таъминлаш борасида парламент, депутатлик ва жамоатчилик назоратини кучайтириш лозимлиги қайд этилди.

Кўриб чиқилган масалалар юзасидан тегишли қарор қабул қилинди.

Сессия ишида Олий Мажлис Қонунчилик палатаси Спикери ўринбосари, Ўзбекистон “Адолат” СДП фракцияси раҳбари Наримон Умаров иштирок этди.


Кўришлар сони: 344

Депутатлар минбари

Янгиликлар

21.02.2019
ОИВ-инфекцияси профилактикаси борасидаги вазият қандай?

Ҳозирги кунда мамлакатда 140 дан зиёд «ишонч хоналари» мавжуд бўлиб, улар аҳолининг ОИВга нисбатан...

20.02.2019
Тиббий кадрлар таъминоти 88,8 фоизни ташкил қилиши нимани англатади?

Ўрганиш чоғида ишчи гуруҳ аъзолари ҳар бир туманда аҳоли хонадонларида бўлиб, сурункали касалликларга...

20.02.2019
Соғлом ҳаёт сари ташланган қадам

– Ҳар қандай давлатнинг энг муҳим бойлиги мамлакат аҳолисининг саломатлиги, миллат генофондининг м...