Cайт ранги: A A


Сайловчилар билан учрашувларни ОАВда ёритилиши

Очиқ мулоқотлар, амалий натижалар

Очиқ мулоқотлар, амалий натижалар

Олий Мажлис Қонунчилик палатаси депутатлари ва Сенати аъзолари 10 — 12 кун давомида бир туманда бўлиб, аҳолининг кенг қатлами билан очиқ мулоқотлар ўтказиши натижасида жамоатчилик назоратининг таъсирчан механизми шаклланмоқда. Бундай учрашувлар чоғида туманлардаги ижро ҳокимияти, ҳуқуқни муҳофаза қилиш органлари, шунингдек, хизмат кўрсатиш идоралари мутасаддилари зиммасига юклатилган вазифаларни қай даражада уддалаётгани батафсил ўрганилаяпти.


Таҳлил натижалари маҳаллий Кенгашлар депутатлари ва фаоллар иштирокида  атрофлича муҳокама этилиб, шулар юзасидан тегишли мутасадди раҳбарлар ҳисоботи эшитилмоқда.

Хусусан, парламент аъзолари томонидан Хоразм вилоятининг Янгиариқ туманида ҳудудни ижтимоий-иқтисодий ривожлантириш ҳамда фуқаролар ҳуқуқ ва манфаатларини таъминлаш, аҳолининг турмуш даражасини янада яхшилаш бўйича амалга оширилаётган ишлар ўрганилди. Аҳоли билан бевосита мулоқотларда ҳудуддаги тадбиркорлик субъектлари, фермер хўжаликлари, таълим, соғлиқни сақлаш муассасалари, савдо ва маиший хизмат кўрсатиш соҳаси, ҳуқуқ-тартибот идоралари, фуқароларнинг ўзини ўзи бошқариш органлари вакиллари иштирок этди.

Депутатлар нафақат камчиликларни аниқлаш, айни пайтда уларнинг сабабларини таҳлил этиш ва ечимини топиш мақсадида тумандаги 320 дан зиёд хонадонлар аъзолари билан суҳбатлар ўтказиб, 70 дан ортиқ муаммоли масалаларни кўриб чиқди. Уларнинг аксарияти уй-жой ва коммунал хизмат, бандлик, соғлиқни сақлаш, савдо ва маиший хизмат, банк-кредит, ичимлик суви таъминоти ҳамда транспорт ва йўл қурилиши билан боғлиқ масалалардир.

Шу билан бирга, қишлоқ врачлик пунктларида аҳолига тиббий хизмат кўрсатиш аҳволи ўрганилди, тиббий хизмат соҳасидаги ислоҳотлар, тиббиёт муассасалари иш самарадорлигини ошириш бўйича аҳоли билан яқиндан фикрлашилди. Учрашувларда юртимизда соғлиқни сақлаш соҳасида рўй бераётган янгиланишлар ҳақида ҳам сўз юритилди. Тумандаги ҚВПлар оптималлаштирилди. Иккита ҚВП ўз ишини давом эттирадиган бўлди, 4 таси оилавий поликлиникага айлантирилди. Натижада аҳолига кўрсатиладиган тиббий хизмат сифати анча яхшиланди.

— Ўрганишлар давомида  кўплаб муаммолар жойида ҳал этилишига эришилмоқда, — дейди Олий Мажлис Қонунчилик палатаси депутати Иноят Ҳожиев. — Масалан, Остона қишлоғи Сардорлар маҳалласида яшовчи фуқаро Умрбек Собиров яшаш шароитини яхшилаш ва юрак хасталиги билан оғриган 11 ёшли фарзандини даволатиш учун амалий ёрдам сўради. Унинг мурожаати асосли экани инобатга олиниб, ҳомийлар кўмагида ушбу масалалар ижобий ҳал этилди. Шунингдек, Чиқирчи қишлоғи аҳолисининг туман марказидан қарийб 20 километр узоқликда яшаши, бирламчи тиббий хизматдан фойдаланишда муаммо борлиги тўғрисидаги мурожаати кўриб чиқилиб, қишлоқда тез тиббий ёрдам хизмати шохобчаси фаолияти йўлга қўйилди.

Бундай мулоқотларда аҳоли вакиллари, тадбиркорлар ва фермерларга уларни қизиқтирган барча масала юзасидан атрофлича тушунтириш ва маълумотлар берилмоқда.



Кўришлар сони: 4817

Депутатлар минбари

Янгиликлар

15.11.2017
Ислоҳотларнинг ҳуқуқий базасини янада такомиллаштиришга қаратилган долзарб масалалар кўриб чиқилди

Жисмоний соғлом, маънавий ва ақлий камол топган, мустақил фикрловчи, Ватанга садоқатли, қатъий ҳаёти...

09.11.2017
Қонунчилик палатасида “Ёшлар клуби” фаолият бошлайди

Мамлакатимизда бугунги кунда ёшлар масаласи ҳар қачонгидан ҳам долзарб аҳамият касб этиб, ёшларнинг ...

07.11.2017
Парламент ва жамоатчилик назорати: бирламчи тиббий-санитария ёрдами самарадорлигини таъминлашнинг устувор мақсади

Олий Мажлис Қонунчилик палатасида «Бирламчи тиббий-санитария ёрдами муассасалари фаолиятини ташкил...