Cайт ранги: A A


Сайловчилар билан учрашувларнинг ОАВда ёритилиши

Аҳоли билан мулоқотларда кўпгина масалалар ҳал этилмоқда

Аҳоли билан мулоқотларда кўпгина масалалар ҳал этилмоқда

Қонунчилик палатасидаги Ўзбекистон ХДП фракцияси аъзоси Салауатдин Худайбергенов Қорақалпоғистон Республикаси Чимбой туманида халқ билан мулоқот қилиб, мавжуд ҳолатларни ўрганмоқда. Муаммоларни аниқлаб, қонун ва қарорларнинг ижроси юзасидан назорат-таҳлил ишларини олиб бормоқда.

Хонадон эгалари билан мулоқот чоғида асосан электр энергия­си, табиий газ ва ичимлик суви таъминоти масалалари долзарб экани аниқланди. Электр энергияси тизимида кунига узилиш ҳолатлари кузатилмоқда. Хизмат кўрсатувчи ва савдо шохобчаларида терминаллар етарли эмас. Шунингдек, аҳоли вакиллари ички йўллар таъмирталаблигини айтишди. Кўчаларга тунги ёритиш чироқлари ўрнатилмагани турли кўнгилсизликларга сабаб бўлиши мумкинлиги билдирилди.

«Жипек жоли» маҳалла аҳолиси билан бўлган мулоқот чоғида ички йўллар таъмирталаблиги, табиий газ таъминотида муаммолар борлиги аниқланди. Эски газ қувурларини таъмирлаш масаласи келаси йилги дастурга киритилган экан.

Маҳалла бозорга яқин ҳудудда жойлашгани боис маиший хизмат кўрсатувчи тадбиркорларга кредит олишда ёрдам кўрсатилмоқда. Қора мол, парранда олиб боқиш бўйича кредит масаласи ҳам ўз ечимини топмоқда.

«Темир жол гузари» маҳалла фуқаролар йиғинидаги 10 нафар пенсионер нафақа пулини вақтида олмаётгани бўйича мурожаат қилди. «Агробанк» туман бўлими бошқарувчиси Азамат Молдаҳметовга депутат мурожаатидан сўнг масала ижобий ечим топди. Шунингдек, олий таълим муассасаси битирувчилари — Дастанбек ­Муҳаммедкаримов ва Раҳим Калменовлар «Агробанк»ка ишга жойлашадиган бўлди.

«Тақ-жап» овулида истиқомат қилувчи Халмурза Жанатдиновнинг 1990 йилда туғилган ногирон фарзанди, шу маҳалладаги яна бир фуқаро Ойша Есемуратова касаллиги туфайли туман тиббиёт бирлашмаси назоратига олинди.

Чимбой туманида автоуловларнинг сони кун сайин ортиб бормоқда. Йўл ҳаракати хавфсизлигини таъминлаш долзарб масалага айланмоқда. Шунинг учун туман марказида 3 жойга светафор ўрнатиш зарурати туғилган. Бу масала Қорақалпоғистон Республикаси Ички ишлар вазирлиги томонидан ҳал этиладиган бўлди.

Ҳудудларда аҳолига кўрсатилаётган коммунал хизматлар сифатини яхшилаш, тиббий хизматдан фойдаланиш имкониятларини кенгайтириш, аҳолининг ҳақли эътирозларига сабаб бўлаётган муаммоларни ўрганиш ва мутасадди ташкилотлар иштирокида босқичма-босқич ҳал этиш ишлари давом этмоқда.


Кўришлар сони: 4696

Депутатлар минбари

Янгиликлар

26.03.2019
Навбатдаги “Ҳукумат соати”да депутатлар саволларига Транспорт вазирлиги ҳузуридаги Автомобиль йўллари қўмитаси раиси жавоб беради

Қонунчилик палатасидаги навбатдаги “Ҳукумат соати” жорий йилнинг 2 апрель кунига режалаштирилган б...

26.03.2019
Истиқболли вазифалар белгилаб олинди

2019 йил 26 март куни Олий Мажлис Қонунчилик палатасидаги Ўзбекистон “Адолат” СДП фракцияси томони...

26.03.2019
Хотин-қизларга муносиб иш ўринлари яратиш – устувор вазифа

2019 йил 26 март куни Олий Мажлис Қонунчилик палатасидаги Ўзбекистон ХДП фракцияси ҳамда партия ...