Cайт ранги: A A


Сайловчилар билан учрашувларни ОАВда ёритилиши

Депутат ва сайловчиларнинг очиқ мулоқоти

Парламентнинг асосий функцияларидан бири депутатнинг сайловчилар билан доимий мулоқоти ва ўзаро ҳамкорлигига эришишдир. Айни кунларда Олий Мажлис Қонунчилик палатаси регламентига асосан ЎзМТДП фракцияси аъзолари сайловчилар билан учрашувларда иштирок этишмоқда.

ЎзМТДП фракцияси аъзоси Жамила Ниёзованинг Нукус шаҳридаги “Муратбек мебель” масъулияти чекланган жамияти ходимлари, “Таслақ” маҳалла фуқаролар йиғини фаоллари билан учрашувида мустақиллик йилларида мамлакатимизда Президентимиз раҳнамолигида олиб борилаётган тинчликпарвар сиёсат, осойишталикни сақлаш йўлида амалга оширилаётган кенг қамровли ислоҳотлар бугун ўзининг юксак самарасини бераётгани таъкидланди. Юртимиздаги тинчлик ва барқарорликни кўз қорачиғидек асраб-авайлаш, мамлакатимизда истиқомат қилаётган турли миллатлар ва диний конфессиялар ўртасидаги аҳиллик муҳитини мустаҳкамлаш борасида юритилаётган оқилона сиёсат Ватанимиз тараққиётида асосий омил бўлмоқда. Юртбошимизнинг жорий йил 2 июндаги “Ўзбекистон Республикаси давлат мустақиллигининг йигирма беш йиллик байрамига тайёргарлик кўриш ва уни ўтказиш тўғрисида”ги қарори мустақилликнинг қадрига етиш, уни муносиб кутиб олиш ва асраб-авайлашга қаратилган энг муҳим йўналишларни белгилаб берди.

Тадбирда истиқлол берган имкониятлар сабаб оилавий бизнес ва хусусий тадбиркорликни ривожлантириш борасида амалга оширилаётган кенг кўламли ислоҳотлар ўзининг юксак самараларини бераётгани алоҳида қайд этилди. Хусусан, жорий йилнинг 10 июнидан кучга кирган “Электрон ҳукумат тўғрисида”ги қонун давлат бошқаруви тизимида “бир дарча” принципи ҳамда масофадан фойдаланишни жорий этиш орқали аҳоли ва тадбиркорлик субъектларига қулай имкониятлар яратиш, уларнинг вақти ва харажатларини тежашга хизмат қилмоқда. Депутат сайловчилар, хусусан, тадбиркорларга ушбу қонуннинг мазмун-моҳияти, имкониятлари ҳақида батафсил маълумот берди.


Кўришлар сони: 2673

Депутатлар минбари

Новостная лента

15.11.2017
Ислоҳотларнинг ҳуқуқий базасини янада такомиллаштиришга қаратилган долзарб масалалар кўриб чиқилди

Жисмоний соғлом, маънавий ва ақлий камол топган, мустақил фикрловчи, Ватанга садоқатли, қатъий ҳаёти...

09.11.2017
Қонунчилик палатасида “Ёшлар клуби” фаолият бошлайди

Мамлакатимизда бугунги кунда ёшлар масаласи ҳар қачонгидан ҳам долзарб аҳамият касб этиб, ёшларнинг ...

07.11.2017
Парламент ва жамоатчилик назорати: бирламчи тиббий-санитария ёрдами самарадорлигини таъминлашнинг устувор мақсади

Олий Мажлис Қонунчилик палатасида «Бирламчи тиббий-санитария ёрдами муассасалари фаолиятини ташкил...