Cайт ранги: A A


Халқаро фаолияти

Олий Мажлисининг Европада Хавфсизлик ва Ҳамкорлик Ташкилоти Парламент Ассамблеясидаги доимий делегацияси таркиби тасдиқланди

Парламент дипломатияси. Мамлакатнинг ҳар жиҳатдан тараққий этишида унинг халқаро майдондаги нуфузи, эгаллаган мавқейи кўп нарсани белгилаши барчага аён. Бу жараёнда халқаро парламент тузилмалари билан яқин алоқаларни йўлга қўйиш давлатлараро муносабатларда ҳам муҳим аҳамиятга эга. Мамлакат ташқи сиёсатига оид муҳим вазифаларни ечишда ҳам парламент дипломатияси ўз сўзини айтаётгани барчага маълум.

Шу маънода, айни пайтда Олий Мажлис Ўзбекистоннинг миллий манфаатларини халқаро доирада, жумладан, парламентлараро майдонда ва икки томонлама муносабатларда илгари суришга қаратилган фаолиятни кучайтирмоқда. Хорижий мамлакатлар парламент вакиллари билан тўғридан-тўғри мулоқотни йўлга қўйиш бўйича амалий ҳаракатлар олиб боряпти.

Яқинда Олий Мажлис Қонунчилик палатаси Кенгаши ва Сенатининг Кенгаши қўшма қарори билан Ўзбекистон Республикаси Олий Мажлисининг Европада Хавфсизлик ва Ҳамкорлик Ташкилоти Парламент Ассамблеясидаги доимий делегацияси таркиби тасдиқланди. Делегация таркибидан ҳар иккала палата аъзолари ўрин олди.

Доимий делегацияга ахборот-таҳлилий ва ташкилий жиҳатдан кўмаклашиш мақсадида унинг котибияти ҳам тузилди.

Ўзбекистон доимий делегацияси Европада Хавфсизлик ва Ҳамкорлик Ташкилоти Парламент Ассамблеясининг сессияларида иштирок этади. Бу, ўз навбатида, мамлакатимиз парламентарийларининг муҳим ҳужжатлар муҳокамасига жалб этилиши, халқаро аҳамиятга эга масалалар юзасидан қарорлар қабул қилишда иштирок этиши ва Ўзбекистон манфаатларини дадил илгари суриш имконини беради.

 

Олий Мажлис Қонунчилик палатаси

Матбуот хизмати


Кўришлар сони: 375


Депутатлар минбари

Янгиликлар

08.08.2020
Депутатларнинг жиддий эътирозига нима сабаб бўлди?

Ҳисоботда келтирилишича, фармон билан қишлоқ хўжалигида ер ва сув ресурсларидан самарали фойдаланиш...

07.08.2020
Божхона органларида Давлат дастури ижроси ҳолати қандай?

 2020 йил 7 август  куни куни Олий Мажлис Қонунчилик палатаси Мудофаа ва хавфсизлик масалалари...

07.08.2020
Вазир жавоби депутатларни қониқтирди...ми?

Вазир берган жавобга кўра, республика аҳолисини арзон ва сифатли мева-сабзавот маҳсулотларига бўлган...

Тадбирлар тақвими