Cайт ранги: A A


Халқаро фаолияти

Парламентлараро Иттифоқ Ассамблеяси сессиясида “Ўзбекистонда ёшларга оид давлат сиёсати” мавзусида тақдимот ўтказилди

Парламентлараро Иттифоқ Ассамблеяси сессиясида “Ўзбекистонда ёшларга оид давлат сиёсати” мавзусида тақдимот ўтказилди Парламентлараро Иттифоқ Ассамблеяси сессиясида “Ўзбекистонда ёшларга оид давлат сиёсати” мавзусида тақдимот ўтказилди

Аввал хабар берганимиздек, парламентимиз аъзоларидан иборат  Ўзбекистон делегацияси Сербия пойтахти Белград шаҳрида бўлиб ўтаётган Парламентлараро Иттифоқ ассамблеясининг 141-сессияси ва мажлиси ишида иштирок этмоқда.

Ўзбекистон делегацияси аъзоси, Олий Мажлис Қонунчилик палатасининг депутати, қуйи палатадаги ёшлар масалалари бўйича комиссия аъзоси Иброҳим Хожиев Парламентлараро Иттифоқ мажлисида мамлакатимизда ёшларнинг қонуний ҳуқуқ ва манфаатларини таъминлаш юзасидан олиб борилаётган ишлар ҳақида ўз маърузасида атрофлича маълумот берди.
Юртимизда ёшлар масаласи давлат сиёсати даражасига кўтарилиб, доимо эътибор марказида бўлиб келаётгани, буни кейинги икки йилда шу соҳага оид 3 та қонун, Ўзбекистон Республикаси Президенти ва Ҳукуматининг ўнлаб фармонлари, қарор ва фармойишлари қабул қилингани, жумладан, Ўзбекистон Республикаси Бош вазири, ҳудудларда эса ҳокимлар раислигида Ёшлар масалалари бўйича идоралараро кенгашлар тузилгани алоҳида таъкидлаб ўтилди. Бу жараёнда парламент хусусан, Қонунчилик палатасида Ёшлар масалалари бўйича комиссия ва “Ёшлар клуби” фаолият олиб бораётгани, ҳар иккала тузилманинг айнан ёшлар масалалари юзасидан ташаббуслар илгари сураётгани аниқ ва амалий  иш мисолида баён қилинди.           
Шунингдек, Халқаро анжуман иштирокчилари Ўзбекистон Республикаси Президенти Шавкат Мирзиёевнинг Бирлашган Миллатлар Ташкилоти Бош Ассамблеясининг 72-сессиясида илгари сурган БМТнинг Ёшлар ҳуқуқлари тўғрисидаги халқаро конвенциясини қабул қилиш тўғрисидаги ташаббусини қўллаб-қувватладилар.

Кўришлар сони: 564


Депутатлар минбари

Янгиликлар

14.01.2020
Солиқларни тўлашни кечиктириш ёки бўлиб-бўлиб тўлаш қандай амалга оширилади?

Яқинда Президентимиз томонидан янги таҳрирдаги Солиқ кодекси имзоланиб, матбуотда эълон қилинди....

10.01.2020
Янги Солиқ кодексининг ижросини таъминлашда парламент ва маҳаллий Кенгашларнинг ўрни муҳим

Кодексда мамлакат тараққиётининг таянчи бўлган инсофли, ҳалол солиқ тўловчиларни рағбатлантириш, яш...

09.01.2020
Парламент сўровига вазир жўнатган жавоб депутатларни қониқтирдими?

Олий Мажлис Қонунчилик палатасида Ўзбекистон Республикаси Соғлиқни сақлаш вазири А.Шодмоновнинг ...

Тадбирлар тақвими