Ўзбекистон Республикаси
Олий Мажлиси
Қонунчилик палатаси

Юртимизда расмий ташриф билан бўлиб турган Тожикистон Республикаси парламенти қуйи палатаси Раиси Шукуржон Зуҳуров бошчилигидаги Тожикистон делегацияси аъзолари Ўзбекистон Республикаси Олий Мажлиси Қонунчилик палатаси Спикери Нурдинжон Исмоилов ҳамроҳлигида пойтахтимиздаги Мустақиллик майдонига ташриф буюрди.

Юқори мартабали меҳмон ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументи пойига гул қўйди.

Ш.Зуҳуров Мустақиллик майдонида амалга оширилган бунёдкорлик ишлари билан танишар экан, чуқур мазмун-моҳият касб этувчи мазкур монументнинг меъморий ечимига юқори баҳо берди. Ушбу тарихий мажмуа ҳар бир ташриф буюрувчи қалбида тинчлик ва осойишталикнинг инсон ва мамлакат учун нақадар муҳимлигини чуқур ҳис эттиришини алоҳида таъкидлаб ўтди.

Тожикистон Республикаси парламенти делегациясининг ташрифи давом этмоқда.

Ўзбекистон Республикаси Олий Мажлиси

Қонунчилик палатаси Матбуот хизмати

Кўришлар сони: 270