Cайт ранги: A A


Халқаро фаолияти

Парламент қуйи палатаси Спикери АҚШнинг мамлакатимиздаги Фавқулодда ва мухтор элчисини қабул қилди

2019 йил 24 июнь куни Олий Мажлис Қонунчилик палатаси Спикери Нурдинжон Исмоилов билан АҚШнинг мамлакатимиздаги Фавқулодда ва мухтор элчиси Дэниел Розенблюмнинг учрашуви бўлиб ўтди.

Мулоқот аввалида парламент қуйи палатаси Спикери Дэниел Розенблюмни АҚШнинг юртимиздаги Фавқулодда ва мухтор элчиси этиб тайинлангани билан самимий табриклади.

Таъкидлаш жоиз, кейинги пайтларда икки мамлакат ўртасида барча соҳаларда бўлгани каби парламентаризм йўналишида ҳам муносабатлар изчил ривожланиб бормоқда. Олий Мажлис палаталари делегацияларининг АҚШга ташрифлари мунтазамлик касб этмоқда. Ўз навбатида, Конгресс вакиллари ҳам мамлакатимизга бир неча бор ташриф буюриб, турли соҳалар, хусусан, парламентлар ўртасидаги алоқаларни янада мустаҳкамлашга ўз ҳиссаларини кўшиб келмоқда.

Учрашувда элчига Ҳаракатлар стратегиясига мувофиқ Ўзбекистонда амалга оширилаётган изчил ислоҳотлар, ҳудудлар ва умуман, мамлакат ривожланишида муҳим ўрин тутадиган давлат ва ҳудудий дастурлар хусусида сўзлаб берилди.

Шунингдек, парламент қуйи палатаси фаолияти, қонунчилик тизимидаги янгиликларга тўхталиб ўтилди.

Конструктив руҳда ўтган учрашувда Олий Мажлис Қонунчилик палатаси Спикери элчи Дэниел Розенблюмга икки мамлакат ўртасидаги ҳамкорлик алоқаларини самарали давом эттиришдек масъулиятли вазифани адо этишига муваффақиятлар тилади.

 

Олий Мажлис Қонунчилик палатаси

Матбуот хизмати


Кўришлар сони: 582


Депутатлар минбари

Янгиликлар

14.10.2019
Парламентлараро иттифоқнинг 141-Ассамблеясида Ўзбекистон делегацияси иштирок этяпти

Унда парламент аъзолари томонидан гендер тенгликни яхшилаш, ёшларнинг ҳуқуқларини ҳимоя қилиш, депутатларнинг...

14.10.2019
Давлат бюджети парламент томонидан қонун асосида қабул қилинади

Айни кунларда парламент қуйи палатасида бир қатор қонун лойиҳалари маромига етказилмоқда. Хусусан,...

14.10.2019
Қонун лойиҳаларини ишлаб чиқишда давлат тили қоидаларига амал қилинадими?

Жамиятдаги муносабатларни ҳуқуқий жиҳатдан тартибга соладиган омил бу қонунлардир. Шундай экан, ...

Тадбирлар тақвими