Ўзбекистон Республикаси
Олий Мажлиси
Қонунчилик палатаси

Мамлакатимизда меҳмон бўлиб турган Қозоғистон Республикаси Парламенти Мажлиси Раиси Нурлан Нигматуллин бошчилигидаги делегация аъзолари Ўзбекистон Республикаси Олий Мажлиси Қонунчилик палатаси Спикери Нурдинжон Исмоилов ҳамроҳлигида Мустақиллик майдонига ташриф буюрди.

Юқори мартабали меҳмон ҳурриятимиз, порлоқ истиқболимиз ва эзгу ниятларимиз рамзи бўлган Мустақиллик ва эзгулик монументига гул қўйди.

Н.Нигматуллин Мустақиллик майдонида амалга оширилаётган бунёдкорлик ишларини кўздан кечирар экан, айниқса, мазкур монумантнинг меъморий ечими, чуқур мазмун-моҳиятига юқори баҳо берди. Мамлакатимизнинг тинчликпарвар сиёсати, халқимизнинг тарихий ютуғи, бағрикенглигини ўзида акс эттирган мазкур мажмуанинг тарихий аҳамияти бағоятда қадрли эканини қайд этди.

Кўришлар сони: 611