Cайт ранги: A A


Халқаро фаолияти

Россия қаҳрамонлари ассоциацияси аъзолари билан учрашув

Ҳозирда Россия Федерацияси Давлат Думасининг Мудофаа бўйича қўмитаси раиси, Россия қаҳрамонлари ассоциацияси Президенти Владимир Шаманов бошчилигидаги делегация мамлакатимизда бўлиб турибди.

Жорий йилнинг 15 апрель куни Ўзбекистон Республикаси Олий Мажлиси Қонунчилик палатасида Россия қаҳрамонлари ассоциацияси делегацияси аъзолари билан учрашув ўтказилди.

Учрашув аввалида меҳмонларга 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ мамлакатимизда олиб борилаётган туб ислоҳотлар хусусида маълумот берилди. Хорижий мамлакатлар, жумладан, Россия Федерацияси билан парламентлараро алоқаларни ривожлантириш ва мустаҳкамлаш йўлида амалга оширилаётган ишлар хусусида сўз юритилди.


Делегация аъзолари Президент Шавкат Мирзиёев раҳбарлигида Ўзбекистонда қисқа вақт мобайнида амалга оширилаётган кенг кўламли ишларга юқори баҳо берди. Шунингдек, алоқаларни мустаҳкамлаш, барча соҳада жадал ривожланиб бораётган Ўзбекистон-Россия ҳамкорлигини янада кенгайтириш хусусида фикр билдирган меҳмонлар, ўз навбатида, делегациянинг Жиззах ҳамда Самарқанд вилоятларига ташрифи юқори даражада ташкил этилгани учун миннатдорлик изҳор этди.

Мулоқот чоғида таниқли ўзбек фазогири, Россия Қаҳрамони Солижон Шарипов ҳам сўзга чиқиб, ўзи меҳнат қилаётган Фазогирлар тайёрлаш маркази фаолияти тўғрисида гапириб берди.


Учрашувда томонлар мазкур мулоқотдан қаноатланиш ҳосил қилгани ҳамда келгусида самарали ва конструктив ҳамкорликни ривожлантиришга тайёр эканини билдирди.

Мулоқот якунида Россия қаҳрамонларидан иборат делегация аъзолари Ўзбекистон Республикаси Олий Мажлиси Қонунчилик палатаси депутатлари фаолияти, парламент қуйи палатасининг муҳташам биноси, мажлислар заллари билан яқиндан таниш имконига эга бўлди.


Кўришлар сони: 927


Депутатлар минбари

Янгиликлар

19.06.2019
Депутатлар Ўзбекистон Президентининг янги ташаббусларини қўллаб-қувватлади

2019 йил 19 июнь куни Олий Мажлис Қонунчилик палатасининг навбатдаги мажлиси бўлиб ўтди. Мажлис ...

19.06.2019
Туризмни ривожлантириш давлат қўмитасининг фаолияти қандай баҳоланди?

Туристик хизматлар экспорти 2018 йилда 1 041 млн. АҚШ доллари бўлган бўлса, 2019 йилда 1 301...

18.06.2019
Давлат ҳокимиятининг очиқлиги ва шаффофлиги — фуқаролар ишончини оширишдаги муҳим омил

Жорий йилнинг 18 июнь куни Тошкент шаҳрида “Жамият ва янги технологик давр: шаффоф давлат бошқаруви...

Тадбирлар тақвими