Cайт ранги: A A


Халқаро фаолияти

Ўзбекистон – Россия: парламентлараро алоқаларнинг муҳим босқичи

Ҳозирги вақтда Ўзбекистон Республикаси ва Россия Федерацияси ҳамкорлиги турли йўналишларни қамраб олган ҳолда жадал ривожланмоқда. Айниқса, икки мамлакат парламентлараро алоқаларининг мустаҳкамланиши муносабатлар доирасининг янада кенгайишида муҳим асослардан бири бўлиб хизмат қилмоқда.

Бу 2019 йил 4 апрель куни парламент қуйи палатасида Ўзбекистон Республикаси Олий Мажлиси Қонунчилик палатаси Спикери Нурдинжон Исмоиловнинг Россия Федерацияси Федерал Мажлиси Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раиси Леонид Калашников бошчилигидаги делегация аъзолари билан бўлиб ўтган учрашувда ҳам алоҳида таъкидланди.


Учрашув аввалида Олий Мажлис Қонунчилик палатаси Спикери Нурдинжон Исмоилов меҳмонларга парламент қуйи палатаси фаолияти, қонунчилик соҳасидаги янгиликлар тўғрисида ахборот берди. Шу билан бирга, 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ амалга оширилаётган кенг кўламли сиёсий-ҳуқуқий, ижтимоий-иқтисодий, инвестициявий дастурлар ҳамда улар бераётган самаралар хусусида сўз юритилди. Таъкидланганидек, юртимизда давлат қурилиши тизимини такомиллаштириш, қонун устуворлигини таъминлаш, суд-ҳуқуқ тизимини янада ислоҳ қилиш, иқтисодиётни либераллаштириш, ижтимоий соҳани ривожлантириш, очиқ ва дўстона ташқи сиёсатни олиб боришнинг устувор йўналишларида амалга оширилаётган ислоҳотлар беш йиллик кенг қамровли Ҳаракатлар стратегиясининг асоси бўлиб хизмат қилмоқди.


Россия Федерацияси Федерал Мажлиси Давлат Думасининг МДҲ ишлари, Евроосиё интеграцияси ва ватандошлар билан алоқалар қўмитаси раиси Леонид Калашников ўз навбатида, самимий учрашув учун миннатдорлик билдириб, Перзидент Шавкат Мирзиёев раҳбарлигида Ўзбекистонда амалга оширилаётган сиёсий-ҳуқуқий, ижтимоий-иқтисодий ислоҳотларга юқори баҳо берди. Икки томонлама ҳамкорликни ривожлантиришда ишончли муҳитнинг яратилишга қаратилган парламентлараро алоқаларни янада яхшилаш, сиёсий мулоқотлар мунтазамлигини таъминлаш муҳим аҳамият касб этишини таъкидлади.

Шунингдек, томонлар парламентлараро ҳамкорликни ривожлантириш масалаларини муҳокама қилдилар, ўзларини қизиқтирган ҳудудий ва халқаро аҳамиятга молик муҳим масалалар юзасидан фикр алмашдилар.

Учрашув доирасида икки томонлама келишувларнинг ижроси ҳам таҳлил қилинди ҳамда ҳамкорликнинг келгусидаги истиқболли йўналишлари аниқлаб олинди.


Кўришлар сони: 2759


Депутатлар минбари

Янгиликлар

23.10.2019
Акмал БУРҲОНОВ: Депутатлар ўрганган муаммолар ҳукумат ва тиббиёт соҳаси масъуллари учун ўгайми?

Табиий савол туғилади: депутатлар ўрганган муаммолар Ҳукумат ва тиббиёт соҳаси масъуллари учун ўгайм...

22.10.2019
ДЕПУТАТЛАР ҲУКУМАТ АЪЗОЛАРИГА ПАРЛАМЕНТ СЎРОВИНИ ЮБОРИШГА ҚАРОР ҚИЛДИ

Олий Мажлис Қонунчилик палатасининг 2019 йил 22 октябрда бўлиб ўтган мажлисида депутатлар қонун ло...

22.10.2019
МИГРАНТЛАР МАНФААТЛАРИ ҲАМ ҚОНУНИЙЛАШТИРИЛМОҚДА

Олий Мажлис Қонунчилик палатасининг 2019 йил 22 октябрдаги мажлисида депутатлари бугунги кунда ҳамманинг...

Тадбирлар тақвими