Cайт ранги: A A


Халқаро фаолияти

Олий Мажлис Қонунчилик палатаси Спикери Қирғизистон Республикаси Президенти Сооронбай Жээнбеков билан учрашди

Қирғизистон Республикасида амалий ташриф билан бўлган Олий Мажлис Қонунчилик палатаси Спикери Нурдинжон Исмоилов Қирғизистон Республикаси Президенти Сооронбай Жээнбеков билан учрашди.

Қирғизистон Республикаси Президенти Сооронбай Жээнбеков Нурдинжон Исмоиловни қутлар экан, бугунги кунда Қирғизистон ва Ўзбекистон муносабатлари сифат жиҳатидан янги стратегик ҳамкорлик даражасига чиққанини қайд этиб ўтди. “ Биз Ўзбекистон билан муносабатларни қадрлаймиз ва юқори баҳолаймиз, қардош қирғиз-ўзбек дўстона ва яхши қўшничилик алоқалари жадал ривожланмоқда. Ўзбекистон Президенти Шавкат Мирзиёевнинг қирғиз-ўзбек ҳамкорлигининг самарали ривожланишидаги сиёсий иродаси ва амалий саъй-ҳаракатлари туфайли бизнинг муносабатларимиз янги, янада сифатли босқичга кўтарилди. Менинг Ўзбекистонга расмий ташрифим чоғида барча масалалар ўз ечимини топди. Биз буни юқори баҳолаймиз”, — дея таъкидлади Сооронбай Жээнбеков.

Бундан ташқари, Президент Сооронбай Жээнбеков Ўзбекистон раҳбарияти ва халқига атоқли қирғиз адиби Чингиз Айтматовнинг 90 йиллигини кенг нишонлаётгани муносабати билан миннатдорлик билдирди.

Ўз навбатида, Ўзбекистон Республикаси Олий Мажлиси Қонунчилик палатаси Спикери Нурдинжон Исмоилов самимий қабул учун Президент Сооронбай Жээнбековга миннатдорлик билдирди.

Нурдинжон Исмоилов Қирғизистон Республикаси Президенти Сооронбай Жээнбековнинг 60 йиллиги муносабати билан Ўзбекистон Республикаси Президенти Шавкат Мирзиёевнинг самимий табрик ва қутловларини етказди. 

Кўришлар сони: 1752


Депутатлар минбари

Янгиликлар

26.02.2020
Кексалар ва ногиронлиги бўлган шахсларнинг ижтимоий ҳимояси: муаммо ва истиқболдаги режалар

“Инсон манфаатлари ҳамма нарсадан устун” деган тамойил асосида халқимиз ҳаётини тубдан яхшилаш бўйич...

26.02.2020
Депутатлар Омбудсманнинг ўринбосари — Бола ҳуқуқлари бўйича вакил лавозимига номзодни маъқулладилар

2020 йил 26 февраль куни Ўзбекистон Республикаси Олий Мажлиси Қонунчилик палатасининг навбатдаги ...

26.02.2020
Ўзбекистон — Литва: Мақсадли сиёсат ва самарали ҳамкорлик

Олий Мажлис Қонунчилик палатасида парламент қуйи палатаси Спикери ўринбосари Б. Алихонов Литва Сеймаси...

Тадбирлар тақвими