Cайт ранги: A A


Халқаро фаолияти

Ўзбекистон делегацияси Евросиё парламентлари спикерларининг йиғилишида қатнашмоқда

Шу кунларда Ўзбекистон Республикаси Олий Мажлиси Қонунчилик палатаси Спикери Нурдинжон Исмоилов бошчилигидаги парламент делегацияси Туркияда бўлиб турибди. Анталия шаҳрида 41 мамлакат делегацияси аъзолари иштирокида ўтаётган “Иқтисодий ҳамкорлик, атроф-муҳит ва Евросиёнинг барқарор ривожланиши” мавзусидаги Евросиё парламентлари спикерларининг III йиғилишида делегациямиз илк бор қатнашмоқда.

Ташрифнинг биринчи куни Олий Мажлис Қонунчилик палатаси Спикери Нурдинжон Исмоилов Евросиё парламентари спикерларининг III йиғилиши доирасида Россия Федерацияси Федерал Кенгаши Давлат Думаси раиси Вячеслав Володин билан учрашди.


Мулоқот чоғида томонлар Евросиё парламентлари спикерларининг III йиғилиши кун тартиби, шунингдек, Евросиё маконининг иқтисодий ривожланиши истиқболларини муҳокама қилдилар. Суҳбат давомида Спикерлар йиғилишида кўриладиган масалалар барча қатнашчи мамлакатлар учун долзарб экани қайд этиб ўтилди.  

Евросиё парламентлари спикерларининг йиғилишида эса, иштирокчилар минтақада ҳамкорликни кучайтириш учун қонунчилик томонидан қўллаб-қувватлаш бўйича кучларни бирлаштириш, жумладан логистика, божхона тартиблари, бизнесни юритишдаги тўсиқларни олиб ташлаш каби бошқа бир қатор соҳаларда ўзаро манфаатли шерикчиликни ривожлантириш орқали инклюзив ва барқарор ривожланишни таъминлашга келишиб олдилар.

Парламентимиз аъзоларининг навбатдаги учрашуви Қозоғистон Парламенти Мажлиси Спикери Нурлан Нигматуллин билан кечди. Мулоқотлар асосини парламентларимиз ҳамкорлигини янада кенгайтириш, шунингдек, икки мамлакат ўртасидаги сиёсий ва савдо-иқтисодий ҳамкорликни ривожлантириш масалалари ташкил этди.


Шунингдек, Нурдинжон Исмоилов бошчилигидаги делегация аъзолари Туркияга ташрифи давомида ушбу мамлакат тиббиёт тизими билан яқиндан танишиш мақсадида Анталия шаҳар шифохонасида бўлиб, бу ерда тиббиёт муассасалари фаолиятининг ҳуқуқий асослари, қўлланилаётган янги технология ва ёндашувлар билан қизиқди.


Олий Мажлис Қонунчилик палатаси делегацияси Анқара шаҳридаги Оқденгиз балиқчилик тадқиқотлари институтида ҳам бўлдилар. Институтда ўтган мулоқотлар жараёнида соҳанинг ҳуқуқий асослари, балиқ етиштиришда Туркия тажрибаси ҳақида сўз юритилиб, мазкур йўналишда ўзаро тажриба алмашиш ва ҳамкорликни йўлга қўйишга доир масалалар муҳокама этилди.  

Кўришлар сони: 798


Депутатлар минбари

Янгиликлар

13.12.2018
Депутатлар соғлиқни сақлаш тизимидаги муаммоларни ўрганди

Бугун Олий Мажлис Қонунчилик палатаси Спикери ўринбосари Наримон Умаров бошчилигидаги ишчи гуруҳ...

13.12.2018
Сессияларда ҳудудлардаги аҳвол, аҳолини қийнаб келаётган муаммолар муҳокама қилинмоқда

2018 йил 13 декабрь куни Cирдарё вилоятининг Янгиер шаҳри ва Сайхунобод тумани ҳокимликларида Олий...

11.12.2018
Депутатларнинг эътирози ва жиддий танқидига учраган қонун лойиҳаси янги ном билан қайта кўриб чиқилди

Аввал хабар берганимиздек, Олий Мажлис Қонунчилик палатасининг яқинда бўлиб ўтган мажлисида «2019...

Тадбирлар тақвими