Cайт ранги: A A


Халқаро фаолияти

Ўзбекистон-ЕИ: Ҳамкорлик йўналишлари тобора кенгаяди

Ўзбекистонда барча соҳаларда, хусусан, ташқи сиёсат йўналишида ҳам ўзаро манфаатга асосланган ислоҳотлар амалга оширилмоқда. Бугун жаҳон ҳамжамияти мамлакатимиз билан савдо-иқтисодий, сиёсий, маданий-гуманитар жабҳаларда ҳамкорликни янада ривожлантиришга катта қизиқиш билдирмоқда.

2018 йил 19 сентябрь куни Ўзбекистон Республикаси Олий Мажлиси Қонунчилик палатасида Европа парламентининг ташқи ишлар бўйича қўмитаси аъзолари билан кечган учрашувда ҳам мавжуд алоқаларни янада мустаҳкамлаш, ҳамкорлик йўналишларини кенгайтириш масалалари иштирокчилар эътиборида бўлди.

Учрашув чоғида меҳмонларга кейинги пайтларда юртимизда давлатимиз раҳбари ташаббуси билан қабул қилинган Ҳаракатлар стратегияси доирасида кенг миқёсли демократик ислоҳотлар амалга оширилаётгани, бу жараёнда инсон манфаатларига устувор аҳамият қаратилаётгани алоҳида қайд этилди.

Мулоқотда Ўзбекистонда юритилаётган ислоҳотлардан кўзланган асосий мақсад давлат қурилишини такомиллаштириш, шу жумладан, парламент ҳамда сиёсий партиялар ролини мустаҳкамлаш, қонун устуворлиги ва инсон ҳуқуқларини таъминлаш, иқтисодиётни либераллаштириш, ижтимоий соҳани ривожлантириш, шунингдек, ўзаро манфатга асосланган, конструктив ташқи сиёсатни амалга оширишдан иборат экани айтиб ўтилди.

Суҳбат давомида Марказий Осиё минтақаси учун долзарб бўлган Орол денгизининг қуриши билан боғлиқ экологик муаммолар ҳам эътибордан четда қолмади. Юқори мартабали меҳмонлар ушбу экологик фожиа оқибатларини камайтириш борасида Ўзбекистон томонидан бир қатор зарур амалий чоралар кўрилаётганини эътироф этдилар.

Европа парламенти аъзолари Ўзбекистон ва Европа Иттифоқи ўртасидаги муносабатлар ҳар иккала томон манфаатларига тўла мос келишини, уни янада ривожлантириш мақсадида эса, ҳали ишга солинмаган имкониятлардан фойдаланиш бирдек манфаат келтиришини таъкидладилар.

Бунда ҳамкорликнинг шартномавий-ҳуқуқий асосларини кенгайтириш лозимлиги қайд этилди.

Учрашув давомида томонларни қизиқтирган бошқа масалалар ҳам муҳокама этилди.


Кўришлар сони: 1772


Депутатлар минбари

Янгиликлар

28.01.2020
Ов қилиш ва овчилик хўжалиги соҳасининг ҳуқуқий асоси такомиллаштирилмоқда

Олий Мажлис Қонунчилик палатасининг янги таркиби қонун ижодкорлиги жараёнларига киришиб кетди. Айни...

28.01.2020
Қонунчилик палатаси Кенгашининг илк йиғилиши ўтказилди

Йиғилишда Олий Мажлис Қонунчилик палатасида тузилган барча қўмиталар ҳамда депутатлик бирлашмалари...

24.01.2020
Гулшана ХУДОЁРОВА: Президентнинг таълим-тарбияга ғамхўрлиги замирида катта ҳикмат бор

Бугунги Мурожаатномада кўтарилган энг устувор ғоя ҳам барча соҳалардаги ўзгариш ва янгиланишлар,...

Тадбирлар тақвими