Cайт ранги: A A


Халқаро фаолияти

Қалин ҳамкорлик, муштарак мақсад рўёби

Айни пайтда Ўзбекистон ва Ҳиндистон ўртасидаги алоқалар ижтимоий-иқтисодий, маданий-гуманитар соҳаларда изчил ривожланиб бормоқда. Икки мамлакат делегацияларининг ташрифлари бу борада муҳим аҳамият касб этмоқда.  

Жорий йилнинг 5 август куни Олий Мажлис Қонунчилик палатасида қуйи палата Спикери Нурдинжон Исмоилов билан Ҳиндистон ташқи ишлар вазири Сушма Свараж бошчилигидаги делегация аъзолари ўртасида кечган учрашувда ўзаро алоқаларнинг истиқболлари, хусусан, парламентлараро муносабатларни янги босқичга олиб чиқиш орқали икки давлат ҳамкорлигини янада ривожлантириш масалалари диққат марказида бўлди.

Даставвал меҳмонларга мамлакатимизда Ҳаракатлар стратегияси асосида олиб борилаётган кенг кўламли ислоҳотлар юзасидан атрофлича маълумот берилди. Давлат ва жамият қурилиши тизимини такомиллаштириш, суд-ҳуқуқ тизимини янада ислоҳ қилиш, иқтисодиётни либераллаштириш, хавфсизлик ва миллатлараро тотувлик, диний бағрикенгликни таъминлаш ҳамда ўзаро манфаатли, амалий ташқи сиёсат соҳасидаги устувор йўналишларда амалга оширилаётган ишлар билан таништирилди.            

Шунингдек, делегация аъзолари Олий Мажлис Қонунчилик палатасининг фаолияти ва тузилиши, депутатлик бирлашмалари, қўмиталар, комиссиялар ва хорижий парламентлар билан ҳамкорлик қилиш доирасида ташкил этилган дўстлик гуруҳлари, қонунчилик тизимидаги янгиликлардан хабардор қилинди.  

Учрашув чоғида томонлар парламентлараро алоқалар барқарор ривожланиб бораётгани, айни пайтда бу борада икки мамлакат салоҳияти даражасида янги босқичга олиб чиқиш учун ҳали ишга солинмаган имкониятлар мавжуд эканини қайд этдилар.  

Ўз навбатида, Ҳиндистон ташқи ишлар вазири Сушма Свараж самимий қабул учун ўз миннатдорлигини билдирар экан, парламентлараро алоқаларни янада мустаҳкамлаш, доимий равишда мулоқот олиб бориш муҳимлиги, бу бошқа йўналишлардаги ҳамкорликнинг ривожланишига асос бўлиб хизмат қилишини таъкидлади. Шунингдек, юқори мартабали меҳмон икки мамлакатнинг глобал ва минтақавий масалалар юзасидан қарашлари ўхшашлигини билдириб, давлатларимиз ўртасидаги савдо-иқтисодий, маданий гуманитар муносабатларни ривожлантириш муштарак мақсад эканини алоҳида қайд этди.

Учрашувда икки томонлама ўзаро манфаатли ҳамкорликни ривожлантиришга доир бошқа масалалар ҳам муҳокама этилди.


Кўришлар сони: 2405


Депутатлар минбари

Янгиликлар

26.03.2019
Навбатдаги “Ҳукумат соати”да депутатлар саволларига Транспорт вазирлиги ҳузуридаги Автомобиль йўллари қўмитаси раиси жавоб беради

Қонунчилик палатасидаги навбатдаги “Ҳукумат соати” жорий йилнинг 2 апрель кунига режалаштирилган б...

26.03.2019
Истиқболли вазифалар белгилаб олинди

2019 йил 26 март куни Олий Мажлис Қонунчилик палатасидаги Ўзбекистон “Адолат” СДП фракцияси томони...

26.03.2019
Хотин-қизларга муносиб иш ўринлари яратиш – устувор вазифа

2019 йил 26 март куни Олий Мажлис Қонунчилик палатасидаги Ўзбекистон ХДП фракцияси ҳамда партия ...

Тадбирлар тақвими