Cайт ранги: A A


Халқаро фаолияти

Ёшлар масалалари бўйича халқаро ҳамкорлик алоқалари кенгаймоқда

Ёшлар масалалари бўйича халқаро ҳамкорлик алоқалари кенгаймоқда Ёшлар масалалари бўйича халқаро ҳамкорлик алоқалари кенгаймоқда

Жорий йилнинг 11 июнь куни Олий Мажлис Қонунчилик палатасига БМТ Бош котибининг Ёшлар ишлари бўйича вакили Жаятма Викраманаяке бошчилигидаги делегация ташриф буюрди ва депутатлар билан учрашди.

Мулоқот чоғида меҳмонларга 2017-2021 йилларда Ўзбекистон Республикасини ривожлантиришнинг бешта устувор йўналиши бўйича Ҳаракатлар стратегиясига мувофиқ мамлакатимизда олиб борилаётган изчил ислоҳотлар, айниқса ёшларга оид давлат сиёсати хусусида сўзлаб берилди. Шунингдек, делегация аъзоларига Парламент қуйи палатасининг фаолияти ва тузилиши, сиёсий партияларнинг фракциялари ва Ўзбекистон экологик ҳаракати, қўмиталар ҳамда комиссияларнинг иш-фаолияти хусусида ҳам маълумотлар етказилди.

Учрашувда Хитой Халқ Республикасининг Циндао шаҳрида бўлиб ўтган ШҲТнинг навбатдаги саммитида Ўзбекистон Республикаси Президенти Шавкат Мирзиёевнинг таклифига кўра ташкилотга аъзо давлат раҳбарларининг Ёшарга қўшма мурожаати қабул қилинганига алоҳида эътибор қаратилиб, бу Ўзбекистоннинг ёшлар масаласига нақадар жиддий ёндошишини намоён қилгани таъкидланди. 

Ёшларга оид давлат сиёсати соҳасида олиб борилаётган ислоҳотларнинг амалга оширилишида Олий Мажлис Қонунчилик палатасининг ролини ошириш, шунингдек ёшларнинг ижтимоий-иқтисодий ва сиёсий фаоллигини қўллаб-қувватлаш, замонавий дунёқараш, билим ва кўникмага эга ёшларнинг билимларини ва демократик кўникмаларини янада ошириш учун кенг имкониятлар яратиш мақсадида Қонунчилик палатасида мамлакатимиз Президенти Шавкат Мирзиёев ташаббуси билан Ёшлар масалалари бўйича комиссия тузилгани ва унинг бугунги кундаги фаолияти ҳақида меҳмонларга батафсил айтиб ўтилди.

Таъкидланганидек, Комиссия ёшларга оид давлат сиёсати соҳасида халқаро ҳамкорликни янада ривожлантириш, хорижий мамлакатлар парламент вакиллари билан самарали мулоқот ва тажриба алмашиш ишида ҳам фаол қатнашишмоқда. Хусусан, 2017 йил 14–15 ноябрь кунлари Россия Федерациясининг Санкт-Петербург шаҳрида МДҲга аъзо-давлатлар Ёшлар парламентлараро ассамблеясининг 10-сессияси ишида ўз марузалари билан фаол иштирок этишган.  

Конструктив руҳда ўтган учрашувда ўзаро ҳамкорлик алоқаларини мустаҳкамлашга оид бошқа масалалар ҳам муҳокама этилди.

 

Ўзбекистон Республикаси Олий Мажлиси

Қонунчилик палатаси Ахборот хизмати


Кўришлар сони: 6218


Депутатлар минбари

Янгиликлар

19.07.2019
ЎзХДП фракцияси фаолияти юзасидан ахборот берди

Қонунчилик палатасига киритилган қонун лойиҳалари бўйича фракциянинг 134 та таклифи ишлаб чиқилиб, ...

18.07.2019
Депутатлар автомобиль ойналарини қорайтириш масаласини қандай ҳал қилмоқчи?

“Адолат” СДП фракцияси депутатларига халқимиз томонидан ҳайдовчи ва йўловчиларни ёзнинг жазирама...

16.07.2019
«Миллий тикланиш» демократик партияси фракцияси жамоатчиликка ҳисобот берди

Қайд этилганидек, фракция аъзолари барча йўналишдаги фаолиятида асосий эътиборни амалий ишларга ...

Тадбирлар тақвими