Cайт ранги: A A


Халқаро фаолияти

Ўзбекистон ва Европа Иттифоқи: муносабатларнинг янги истиқболлари

Жорий йилнинг 21 май куни парламент қуйи палатасида Шарқий Европа ва Марказий Осиё бўйича Европа Иттифоқи Кенгаши делегациясининг ишчи гуруҳи аъзолари билан учрашув бўлиб ўтди.

Суҳбат чоғида мамлакатни ривожлантиришнинг бешта устувор йўналиши бўйича Ҳаракатлар стратегиясига мувофиқ олиб борилаётган кенг кўламли ислоҳотлар, амалга оширилаётган ўзгаришлар, халқ билан мулоқотнинг самарали ва ноёб тизими юзасидан маълумот берилди.

Шу билан бирга, меҳмонларга Олий Мажлис Қонунчилик палатасининг фаолияти, унинг тузилиши, сиёсий партиялар ва Ўзбекистон экологик ҳаракати, қўмиталар, комиссиялар, ҳорижий парламентлар билан ҳамкорлик қилиш доирасида ташкил этилган дўстлик гуруҳлари, шунингдек, Ўзбекистон Республикаси Олий Мажлиси ҳузуридаги Қонунчилик муаммолари ва парламент тадқиқотлари институти фаолияти ҳамда унинг ишга тушган “Mening fikrim” жамоавий электрон мурожаатлар портали хусусида сўзлаб берилди.

Учрашувда таъкидланганидек, демократик ислоҳотларни чуқурлаштириш жараёнида Олий Мажлис ролини кучайтириш юзасидан кўламли ишлар амалга оширилди.  Жумладан, Фуқаролар соғлиғини сақлаш масалалари қўмитаси, Ёшлар масалалари бўйича ва Оила ва аёллар масалалари бўйича комиссиялар тузилди.  Халқ билан мулоқотни ўрнатиш мақсадида ҳар ойда 10 кун мобайнида депутатлар ҳудудларга чиқиб, жойларда қонунларнинг ижросини ўрганиш, ижтимоий-иқтисодий ислоҳотлар мониторинги ва таҳлилини амалга оширишмоқда.

Суҳбат чоғида меҳмонлар таълим, экология йўналишларида олиб борилаётган ишларга қизиқиш билдиришди ҳамда Ўзбекистонда инсон ҳуқуқлари кафолатлари, қўшни давлатлар билан ўзаро ҳамкорлик масалалари юзасидан саволларни ўртага ташладилар. Парламент аъзолари уларнинг саволлари юзасидан батафсил маълумотлар бердилар. Жумладан, Қонунчилик палатасида Спикерга, депутатларга, қўмиталарга, фракцияларга мурожаат қилишга имкон берувчи виртуал қабулхонанинг фаолияти йўлга қўйилгани алоҳида қайд этилди. Мустақил суд ҳокимиятини таъминлаш борасида бошланган кўламли ишларга тўхталиб ўтилди. Ягона суд амалиётини таъминлаш учун Ўзбекистон Республикаси Олий суди ва Олий ҳўжалик суди бирлаштирилди. Мамлакатимиз тарихида илк маротаба жаҳон тажрибасини чуқур ўрганган холда умрбод судьялик лавозими жорий этилди.

Юқоридагиларга қўшимча равишда Ўзбекистон парламенти ҳорижий ҳамкорлар билан дўстона ва ўзаро фойдали муносабатларни жадал ривожлантираётганлиги қайд этилди. Ўзбекистон ва ЕИ ўртасидаги шериклик ва  ҳамкорлик Келишуви доирасида парламент ҳамкорлиги Қўмитаси, савдо ва инвестициялар, адлия, ички ишлар, инсон ҳуқуқлари, ривожлантириш мақсадидаги ҳамкорлик бўйича кичик қўмиталарини ўз ичига олган 6 та ҳамкорлик ташкилотлари тузилган. Такидланганидек, бугун Ўзбекистонда Европа Иттифоқи давлатлари инвестициялари иштирокидаги мингдан ортиқ корхона фаолият юритмоқда.

Суҳбат давомида бошқа йўналишлар бўйича икки томонлама ҳамкорликни ривожлантиришнинг ишончли базасини яратиб берувчи парламентлараро алоқаларни мустаҳкамлаш ва доимий сиёсий мулоқотни давом эттириш муҳимлиги ҳам қайд этилди.

Учрашув қизиқарли ва конструктив руҳда бўлиб ўтди. Меҳмонларга парламент қуйи палатаси мажлислар заллари билан танишиш имкони яратилди. 

 

Ўзбекистон Республикаси Олий Мажлиси

Қонунчилик палатаси Ахборот хизмати


Кўришлар сони: 3506


Депутатлар минбари

Янгиликлар

23.10.2019
Акмал БУРҲОНОВ: Депутатлар ўрганган муаммолар ҳукумат ва тиббиёт соҳаси масъуллари учун ўгайми?

Табиий савол туғилади: депутатлар ўрганган муаммолар Ҳукумат ва тиббиёт соҳаси масъуллари учун ўгайм...

22.10.2019
ДЕПУТАТЛАР ҲУКУМАТ АЪЗОЛАРИГА ПАРЛАМЕНТ СЎРОВИНИ ЮБОРИШГА ҚАРОР ҚИЛДИ

Олий Мажлис Қонунчилик палатасининг 2019 йил 22 октябрда бўлиб ўтган мажлисида депутатлар қонун ло...

22.10.2019
МИГРАНТЛАР МАНФААТЛАРИ ҲАМ ҚОНУНИЙЛАШТИРИЛМОҚДА

Олий Мажлис Қонунчилик палатасининг 2019 йил 22 октябрдаги мажлисида депутатлари бугунги кунда ҳамманинг...

Тадбирлар тақвими