Cайт ранги: A A


Ёшларга оид тадбирлар

Конституция ёшлар нигоҳида

Конституция ёшлар нигоҳида

Ўзбекистон Республикаси Олий Мажлиси Қонунчилик палатасида Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси томонидан Ўзбекистон Республикасининг Конституцияси қабул қилинганлигининг йигирма тўрт йиллиги муносабати билан “Конституция ёшлар нигоҳида” мавзусида давра суҳбати ўтказилди.

Давра суҳбати ёшларнинг Ўзбекистон Республикаси Конституцияси ҳақидаги билим-кўникмаларини мустаҳкамлаш, уларнинг ҳуқуқий саводхонлигини ошириш, ёшларнинг мамлакатимиздаги сиёсий жараёнларга мустақил ва онгли муносабатини шакллантириш, мамлакатни модернизация қилиш борасида амалга оширилаётган сиёсий ислоҳотларнинг мазмун-моҳиятини ёш авлодга етказиш, ёшларда Ўзбекистон Республикаси Конституцияси ва қонунларига ҳурмат ҳиссини камол топтириш, уларда фаол фуқаролик позициясини шакллантириш ва ҳуқуқий маданиятини юксалтириш мақсадида ташкил этилди.

Мамлакатимизнинг бош Қомуси, Асосий қонуни бўлган Ўзбекистон Республикаси Конституциясида демократик ҳуқуқий жамият барпо этиш, келажаги буюк давлат қуриш йўлидаги барча устувор вазифалар белгилаб берилган. Бу борада истиқлолнинг дастлабки йилларида қабул қилинган конституциямиз мамлакатимиз учун барча соҳадаги ислоҳотларни амалга оширишда муҳим дастуриламалдир.

Бу ҳуқуқий ҳажжатнинг ҳаётимиздаги ўрни ва аҳамияти хусусида сўз кетганда, кўплаб муҳим жиҳатларга эътибор қаратиш зарур. Энг аввало, мамлакатимиз ҳаётини янгилашни вазифалар аниқ белгиланган сиёсий концепсиясиз тасаввур этиш қийин. Қолаверса, мазкур ҳуқуқий ҳужжатсиз юртимизнинг бугунги юксак тараққиёти таъминланмас, ҳар биримизнинг қалбимизда демократик ислоҳотларнинг умуммиллий ҳамда умуминсоний ғояларини ўзида тўлиқ мужассам этган эзгу орзу-мақсадлар шаклланмас эди.

Айни кунларда жаҳон ҳамжамиятининг катта қизиқиши ва эътирофига сазовор бўлаётган тараққиётнинг “ўзбек модели”нинг мазмун-моҳиятини ҳам давлат ва конституциявий қурилишнинг тубдан ўзгариши ва янгиланиши, сиёсий, иқтисодий ва ижтимоий ислоҳотларнинг изчил равишда амалга оширилиши ташкил этади.

Барчамизга яхши маълумки, қонун ижодкорлиги давлат фаолиятининг асосий йўналишларидан бири бўлиб, конституция талабларига мос равишда жамиятни бошқариш, иқтисодий, сиёсий, ижтимоий ва бошқа соҳалардаги масалаларни ҳал этишда қонун устуворлиги муҳим аҳамиятга эга. Бу эзгу мақсад эса давр талаби ва ўзгаришлари асосида жамият ҳамда давлатнинг манфаатларини кўзлаб ижтимоий муносабатларнинг барча соҳаларини тартибга солувчи қонунларни ишлаб чиқиш ва ҳаётга татбиқ этиш йўли билан амалга оширилади.

Мустақиллик йилларида юртимизда жамият ва давлат ҳаётининг барча соҳалари қатори, ёшлар масаласи давлат сиёсати даражасига кўтарилиб, уларнинг таълим олиши, касб-ҳунар эгаллаши, ўз мутахассислиги бўйича ишлаши ва соғлигини муҳофаза қилиши, оила қуриш, яшаш жойларига эга бўлиш каби ўнлаб ҳаётий талабларни давлат томонидан кафолатлаш ва қондиришга қаратилган кенг қамровли тадбирлар тизими ишлаб чиқилди ва амалга оширилиб келинмоқда.

Хусусан Конституциянинг ёшларга оид нормалари қатор қонун хужжатларида, уларнинг муайян таркибий қисмларида ўзининг тўла ифодасини топган.

Умуман олганда истиқлол йилларида болалар ва ёшларга оид 22 та қонун, Ўзбекистон Республикаси Президентининг 27 та фармон ва қарори, Вазирлар Маҳкамасининг 46 қарори, вазирлик, қўмита ва бошқа идораларнинг 200 дан ортиқ меъёрий-ҳуқуқий ҳужжатлари қабул қилинган. Бундан ташқари Олий Мажлис томонидан болалар ва ёшлар ҳуқуқларига оид 10 га яқин халқаро шартномалар ратификация қилинган.

Юртимиз аҳолисини 60 % дан ортиғини ёшлар қатлами ташкил этади. Хусусан, бугунги кунда, 70 дан ортиқ олий ўқув юртлари, 1 500 дан ортиқ касб-ҳунар коллежлари, академик лицейлар, 10 000 га яқин умумий ўрта таълим мактаблари, 5 000 га яқин мактабгача таълим муассасаларида ҳалқимизнинг 7 млн.дан ортиқ фарзандлари таълим-тарбия олмоқдалар.

Мамлакатда фаолият юритаётган 525 та болалар ва ўсмирлар спорт мактаблари, 13 та олимпия заҳиралари коллежлари ҳамда 8 та Республика олий спорт маҳорати мактабида юқори малакали, истеъдодли спортчилар тайёрланмоқда.

Бугун халқаро миқёсда ўтказилаётган фан олимпиадалари, спорт мусобақалари ғолиблари бизнинг ёшларимиз бўлаётганлиги ўтган 25 йилда олиб борилган ишлар самарисидир.

Болалар ва ёшлар масаласи парламентимизнинг доимий эътиборида бўлиб келаётгани ҳам қувонарлидир. Шу ўринда таъкидлаш керакки, 2016 йил 14 сентябрда қабул қилинган “Ёшларга оид давлат сиёсати тўғрисида”ги Ўзбекистон Республикаси Қонунида ёшлар бўйича давлат сиёсатининг мақсадлари ва тамойиллари, ёшларнинг ҳуқуқий ва ижтимоий муҳофазаси масалалари, таълим олиш ҳуқуқи, иқтидорли ёшларга нисбатан давлат кўмагини амалга ошириш каби жамият ривожланиши учун зарур ва долзарб масалалар қамраб олинган.

Бир сўз билан айтганда, мамлакатимиз Конституцияси жамият ҳаётининг турли соҳаларида олиб борилаётган ислоҳотларни сифат жиҳатдан янги босқичга кўтаришда муҳим дастуриламал ҳисобланади ва бундай масъулиятли ишларни амалга оширишда ёшларимиз ўзларини муносиб ҳиссаларини қўшадилар.

Давра суҳбатида Ўзбекистон Республикаси Олий Мажлиси Қонунчилик палатаси депутатлари, ёш олимлар, Жаҳон иқтисодиёти ва дипломатия университетларининг профессор-ўқитувчилари, иқтидорли талабалари, “Камолот” ёшлар ижтимоий ҳаракатининг фаоллари ҳамда оммавий ахборот воситалари ходимлари иштирок этишди.


Кўришлар сони: 6521

Депутатлар минбари

Янгиликлар

29.05.2017
Парламент ихтисослаштирилган тиббиёт марказлари фаолиятини танқидий кўриб чиқди

Соғлиқни сақлаш – Давлатимиз раҳбари катта эътибор бераётганлиги туфайли бугунги кунда узлуксиз ри...

26.05.2017
Геодезия ва картография миллий маркази раҳбарининг ахбороти эшитилди

26 май куни Фан, таълим, маданият ва спорт масалалари қўмитаси томонидан ўтказилган йиғилишда...

26.05.2017
Қуйи палата қўмиталарида давлат бюджети ижроси масаласи муҳокама қилинмоқда

26 май куни Олий Мажлис Қонунчилик палатасидаги Бюджет ва иқтисодий ислоҳотлар қўмитасининг кенгайтирилган...

Тадбирлар тақвими