Cайт ранги: A A


Бошқа тадбирлар

Суғурта бозорининг бугунги аҳволи ва ривожланиш стратегиясига бағишланган илмий-амалий конференция

Суғурта бозорининг бугунги аҳволи ва ривожланиш стратегиясига бағишланган илмий-амалий конференция
Ўзбекистон Республикаси Олий Мажлиси Қонунчилик палатасида суғурта бозорининг бугунги аҳволи ва ривожланиш стратегиясига бағишланган илмий-амалий конференция бўлиб ўтди. Анжуман парламент қуйи палатасининг Меҳнат ва ижтимоий масалалар қўмитаси ҳамда Ўзбекистон Республикаси Молия вазирлиги ҳузуридаги Суғурта назорати давлат инспексияси томонидан ташкил этилди.

Мазкур қўмита раиси И.Насриев бошқарган тадбирда манфаатдор вазирликлар, идоралар, суғурта компаниялари вакиллари ва оммавий ахборот воситалари ходимлари иштирок этди.

Анжуманда давлатимиз раҳбари Ислом Каримов ташаббуси билан мамлакатимизда суғурта фаолиятини тартибга солиш бўйича яратилган мустаҳкам қонунчилик тизими ўзининг юксак самараларини бераётгани алоҳида таъкидланди. “Транспорт воситалари эгаларининг фуқаролик жавобгарлигини мажбурий суғурта қилиш тўғрисида“ги, “Ишлаб чиқаришдаги бахтсиз ҳодисалар ва касб касалликларидан мажбурий давлат ижтимоий суғуртаси тўғрисида“ги қонунларнинг қабул қилиниши ҳамда “Иш берувчининг фуқаролик жавобгарлигини мажбурий суғурта қилиш тўғрисида“ги қонун лойиҳасининг ишлаб чиқилиши суғурта бозори ривожига хизмат қилади. Амалдаги қонунчилик мамлакатимизнинг ривожланиб бораётган суғурта бозорини тартибга солишни таъминлаш ё‘лида мунтазам такомиллаштириб борилаётир.

Зеро, мамлакатимизда изчиллик билан амалга оширилаётган ижтимоий-иқтисодий ислоҳотларнинг тобора чуқурлашаётгани фуқаролар манфаатларини ижтимоий ҳимоя қилишнинг замонга мос шаклларини, вужудга келаётган янгича меҳнат ва суғурта муносабатларини тартибга солувчи ҳуқуқий меъёрларни такомиллаштиришни тақозо этади.

Анжуманда бу борада амалга оширилиши лозим бўлган ишлар бўйича маърузалар тингланди ва муҳокама қилинди.Анжуманда бу борада амалга оширилиши лозим бўлган ишлар бўйича маърузалар тингланди ва муҳокама қилинди.

Кўришлар сони: 4892

Депутатлар минбари

Янгиликлар

19.07.2019
ЎзХДП фракцияси фаолияти юзасидан ахборот берди

Қонунчилик палатасига киритилган қонун лойиҳалари бўйича фракциянинг 134 та таклифи ишлаб чиқилиб, ...

18.07.2019
Депутатлар автомобиль ойналарини қорайтириш масаласини қандай ҳал қилмоқчи?

“Адолат” СДП фракцияси депутатларига халқимиз томонидан ҳайдовчи ва йўловчиларни ёзнинг жазирама...

16.07.2019
«Миллий тикланиш» демократик партияси фракцияси жамоатчиликка ҳисобот берди

Қайд этилганидек, фракция аъзолари барча йўналишдаги фаолиятида асосий эътиборни амалий ишларга ...

Тадбирлар тақвими