Cайт ранги: A A


Бошқа тадбирлар

Сенат рад этган қонун қайта кўрилади

Сенат рад этган қонун қайта кўрилади

Олий Мажлис Қонунчилик палатаси томонидан «Халқаро тижорат арбитражи тўғрисида»ги Ўзбекистон Республикасининг қонуни 2019 йил 24 октябрь куни қабул қилиниб, Олий Мажлис Сенатига юборилган эди. Мазкур Қонун Сенатнинг 2020 йил 28 февралдаги Қарори билан рад этилган эди. Шундан сўнг юзага келган келишмовчиликларни бартараф этиш мақсадида иккала палата ўртасида келишув комиссияси тузилди.

Келишув комиссиясининг ҳар иккала палатадан қатнашган аъзолари томонидан билдирилган фикр-мулоҳазалар ҳамда таклиф ва эътирозлар муҳокама этилиб, «Халқаро тижорат арбитражи тўғрисида»ги қонун комиссия томонидан қайта таҳрир қилинди.

Мазкур қонун Олий Мажлис Қонунчилик палатасининг 5 август куни бўлиб ўтадиган мажлисида қайта муҳокама этиладиган бўлди.

Эслатиб ўтамиз, Қонуннинг мақсади Ўзбекистонда низоларни муқобил ҳал қилиш усули ҳисобланувчи ва оммавий аҳамиятга эга бўлган функцияни амалга оширувчи фуқаролик жамиятининг муҳим институти сифатида арбитраж муҳокамаси институтини ривожлантириш, ташқи иқтисодий фаолият соҳасидаги тадбиркорлик субъектларининг ҳуқуқ ва қонуний манфаатларини ҳимоя қилиш учун ҳуқуқий шарт-шароитлар яратиш, ташқи иқтисодий шартномалардан келиб чиқадиган низоларни кўришда муддатлар ва хўжалик юритувчи субъектлар харажатларини қисқартиришни таъминлашдан иборатдир.

 


Кўришлар сони: 309

Депутатлар минбари

Янгиликлар

23.09.2020
Ўзбекистон Республикаси Президенти Шавкат Мирзиёевнинг Бирлашган Миллатлар Ташкилоти Бош Ассамблеясининг 75-сессиясидаги нутқи

Бундай глобал фалокат сайёрамизда сўнгги юз йилда кузатилмаган эди. Бу офат бутун инсониятнинг заиф ...

23.09.2020
Ижтимоий сўровлар ўтказиш амалиёти яхши самара бермоқда

— Ҳудудларда одил судлов ва коррупция масаласи юзасидан аҳоли фикрини билиш мақсадида ижтимоий сўр...

23.09.2020
Янги таҳрирдаги “Виждон эркинлиги ва диний ташкилотлар тўғрисида”ги қонун лойиҳаси халқаро ташкилотлар экспертлари билан муҳокама қилинди

Олий Мажлис Қонунчилик палатасида Демократик институтлар ва инсон ҳуқуқлари бўйича ЕХҲТ бюроси мутахассислари,...

Тадбирлар тақвими