Cайт ранги: A A


Бошқа тадбирлар

Парламент “Юксалиш” умуммиллий ҳаракати билан янада фаол ҳамкорлик қилади

Парламент “Юксалиш” умуммиллий ҳаракати билан янада фаол ҳамкорлик қилади

Бугун мамлакатимизни барча соҳада тараққий эттириш, аҳоли фаровонлигини ошириш, ҳуқуқ ва манфаатларини ҳимоя қилишга оид таклифларни илгари суришда нодавлат нотижорат ташкилотлари ҳамда фуқаролик жамияти бошқа институтларининг роли тобора ортиб бормоқда.

Президентимизнинг 2019 йил 17 январдаги Фармони билан ташкил этилган  “Юксалиш” умуммиллий ҳаракати ҳам ана шундай улуғвор мақсадларни рўёбга чиқаришга хизмат қилаётган йирик нуфузли жамоат ташкилотига айланди.

Ўтган қисқа даврда ушбу ташкилотнинг юртимизда амалга оширилаётган кенг кўламли ислоҳотларни жамоатчиликка етказишдаги фаоллиги яққол кўзга ташланди. Мазкур тузилманинг давлат ва жамият ҳаётини юксалтиришга қаратилган илғор ғояларни ишлаб чиқишдаги ўрни ҳам салмоқли бўлаётир.

Халқ ва бизнес ҳамжамияти билан очиқ мулоқотни йўлга қўйиш, жамоатчилик назоратининг самарали тизимини шакллантириш, давлат ҳокимияти ва бошқаруви органлари, ННТ ва фуқаролик жамиятининг бошқа институтлари, шунингдек, фуқаролар, айниқса, ёшларнинг саъй-ҳаракатларини бирлаштириш, кучини сафарбар этиш Ҳаракатнинг асосий вазифаларидан бўлиб, бу бўйича тизимли ишлар олиб борилмоқда.

Ўз навбатида, мамлакатимиз парламенти тегишли йўналишларда мазкур Ҳаракат билан бевосита ҳамкорлик қилиб келмоқда. Чунончи, Давлат дастурлари бажарилишининг тизимли мониторингини амалга ошириш, уларнинг сифатли, ўз вақтида бажарилиши учун қўшимча чора-тадбирлар қабул қилиш бўйича тавсиялар ишлаб чиқишда ушбу тузилманинг саъй-ҳаракатлари диққатга молик бўляпти. Айниқса, унинг Давлат дастурида назарда тутилган ислоҳотларнинг амалга оширилиш жараёнини Олий Мажлис палаталари ва халқ депутатлари маҳаллий Кенгашларида муҳокама қилишда иштирок этаётгани бу борадаги ўрганишларда, назорат-таҳлил фаолиятида муҳим аҳамият касб этмоқда.

Яқинда “Юксалиш” умуммиллий ҳаракати — нодавлат нотижорат ташкилоти таъсисчиларининг умумий йиғилишида ташкилот раиси лавозимига Олий Мажлис Қонунчилик палатаси депутати, парламент қуйи палатасининг Демократик институтлар, нодавлат ташкилотлар ва фуқароларнинг ўзини ўзи бошқариш органлари қўмитаси аъзоси Бобур Бекмуродов сайланди.

Айтиш мумкинки, бундан буён ҳам Қонунчилик палатасининг мазкур тузилма билан ҳамкорлиги янада самарали давом этади. Биргаликдаги саъй-ҳаракатлар мамлакатимизда демократик ислоҳотларни янада чуқурлаштириш, илғор ғоялар воситасида жамият ҳаётини тубдан яхшилашга хизмат қилади.   


Кўришлар сони: 530

Депутатлар минбари

Янгиликлар

26.09.2020
ЎзХДП фракцияси таълим тизимида сифат ва самарадорликни ошириш бўйича таклифлар тайёрлашга киришди

Пандемия билан боғлиқ қийинчиликларни енгиб ўтиш учун таълим тизимида улкан ва масъулиятли ишлар ...

25.09.2020
Қонунчилик палатаси Спикери Н.Исмоилов: Адолатли глобал тизимни яратиш йўлида муҳим ташаббуслар

Парламентлар анъанавий қонун ижодкорлиги, вакиллик ва назорат функцияларидан ташқари ташқи сиёсат ва...

25.09.2020
Шуҳрат Ғаниев номзоди Бош вазир ўринбосари лавозимига маъқулланди

2020 йил 25 сентябрь куни Олий Мажлис Қонунчилик палатасининг навбатдаги мажлиси бўлиб ўтди. Унда...

Тадбирлар тақвими