Cайт ранги: A A


Бошқа тадбирлар

Ёрмамат ХОЛИЯРОВ: “Тарбия” фани миллий таълим жараёнида ўқитилиши — энг мақбул йўл

Ёрмамат ХОЛИЯРОВ: “Тарбия” фани миллий таълим жараёнида ўқитилиши — энг мақбул йўл

Ўзбекистон Республикаси Президенти Шавкат Мирзиёев раислигида 23 август куни халқ таълими тизимини ривожлантириш, педагогларнинг малакаси ва жамиятдаги нуфузини ошириш, ёш авлод маънавиятини юксалтириш масалаларига бағишланган видеоселектор йиғилиши бўлиб ўтди. 

Йиғилишда Президентимиз муаллиму мураббийларга “Сиз” дея мурожаат этиш пайти келганини айтганида, “Наҳотки, устозларни ардоқлайдиган давр келди” дея ғурурланиб кетдим.

Бу — адолатнинг қарор топгани, таъбир жоиз бўлса, ғалабасидир. Зиёли, ўқимишли инсон элда азиз бўлиши, унинг ҳурматини ўз жойига қўйиб мурожаат этишимиз лозим. Боиси, унга фарзандимиз, келажак авлодимизни тарбиялаш масъулиятини ишониб топширганмиз.

Давлатимиз раҳбарининг таълим тизимидаги муаммолар, уларни бартараф этиш, жамиятда ўқиувчининг обрўйини ошириш борасида куюниб гапирдилар. Мен буни, ҳеч шубҳасиз, раҳбар ходимларга эмас, халққа мурожаат, деб атагим келди. Қалбдан отилиб чиққан ушбу мурожаатга ўқитувчи ва мураббийлар учун нафақат янги ўқув йили “қўнгироғи”, балки янги давр талаби сифатида қараган бўлар эдим.

Дарҳақиқат, давлатимиз раҳбари қайд этганидек, авваллари мактабларда эркак ўқитувчилар кўпчиликни, қарийб 70 фоизни ташкил этар эди. Бугунги кунга келиб, ушбу манзара ўзгариб, мактабларда 75 фоиздан зиёд аёллардан иборат ўқитувчилар жамоаси қолган эди. Тўғри, сўнгги икки-уч йил ичида ушбу соҳага 60 мингдан зиёд эркак ўқитувчи ўз касбига қайтди, лекин мазкур мурожаатда ўринли қайд этилганидек, бу ҳали етарли эмас.

Шу нуқтаи назардан, мен ҳам олим, ҳам депутат сифатида Президентимиз таклиф этган “Тарбия” фанини миллий таълим жараёнида ўқитилишини тўлиқ қўллаб-қувватлайман. Назаримизда, айнан мактаб ва боғчаларда бериладиган таълим ва тарбиянинг уйғунлиги, ҳеч шубҳасиз, ёш авлоднинг ҳам маънан баркамол, ҳам жисмонан бақувват бўлиб улғайишига хизмат қилади.

Ёрмамат ХОЛИЯРОВ,

Ўзбекистон Республикаси Олий Мажлиси

Қонунчилик палатаси депутати


Кўришлар сони: 851

Депутатлар минбари

Янгиликлар

24.02.2020
Депутатлар ўрганишидан сўнг қумқўрғонликларнинг муаммолари ечиладиган бўлди

Сайлов якунланди. Депутатлар сайланди. Шу билан, депутатлар берган ваъдаларини унутдими? Энди улар...

21.02.2020
Қонун лойиҳаси мутахассислар иштирокида муҳокама қилинди

 2020 йил 21 февраль куни «Ўзбекзаргарсаноат» уюшмасида Олий Мажлис Қонунчилик палатасининг...

21.02.2020
«MeningFikrim.uz» веб-портали орқали тушган жамоат мурожаати юзасидан брифинг ўтказилди

2020 йил 21 феврал куни Олий Мажлис Қонунчилик палатасининг Инновацион ривожланиш, ахборот сиёсати...

Тадбирлар тақвими